Vaathi: தனுஷ் ரசிகர்கள் ரெடியா… இது வாத்தி மாதம்

பிரபல தெலுங்கு இயக்குநர் வெங்கி அட்லூரி இயக்கத்தில் நடிகர் தனுஷ் நடிக்கும் திரைப்படம் வாத்தி. இந்த திரைப்படத்தை நாகவம்சி தயாரித்துள்ளார். இப்படமானது தெலுங்கில் சார் என்றும், தமிழ் மொழியில் வாத்தி என்றும் தலைப்பு வைக்கப்பட்டு உள்ளது.

இத்திரைப்படத்தில் சம்யுக்தா மேனன் கதையின் நாயகியாக நடித்துள்ளார். மேலும் ஜீ.வி பிரகாஷ் குமார் இசையமைத்துள்ளார். இவரது இசையில் இப்படத்திலிருந்து சமீபத்தில் வெளியான "வா வாத்தி" பாடல் ரசிகர்கள் மத்தியில் பெரும் வரவேற்பு பெற்றது

வாத்தி படத்தின் தமிழக வெளியீட்டு உரிமையை லலித் குமாரின் செவன் ஸ்கிரீன் ஸ்டூடியோஸ் நிறுவனம் கைப்பற்றி உள்ளது. இதில் சமுத்திரக்கனி, ராஜேந்திரன், சாய்குமார், ஆடுகளம் நரேன், தனிகெல்லா பரணி, ஹைபர் ஆதி, தோட்டாபல்லி மது, இளவரசு, , ஹரீஷ் பேரடி, ப்ரவீனா உள்ளிட்டோர் இதில் நடித்து உள்ளனர்.

சிதாரா எண்டர்டெயின்மெண்ட்ஸ், ஃபார்ச்சூன் ஃபார் சினிமாஸ் மற்றும் ஸ்ரீகரா ஸ்டுடியோஸ் ஆகிய நிறுவனங்கள் இணைந்து இந்தப் படத்தைத் தயாரிக்கின்றன.

இந்நிலையில் வாத்தி படத்தின் ஆடியோ வெளியீட்டு விழா குறித்த தகவல் வெளியாகி உள்ளது. அதன் படி வரும் 4 ஆம் தேதி ஆடியோ வெளியீட்டு விழா நடக்க உள்ளது. அதே போல் படத்தின் டீஸர் வரும் 9 ஆம் தேதி வெளியாக உள்ளதாம். வாத்தி படம் வரும் 17 ஆம் தேதி வெளியாக இருக்கிறது. இந்த செய்தி தனுஷ் ரசிகர்களிடையே மகிழ்ச்சியை ஏற்படுத்தி உள்ளது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.