Vaa Vaathi: வெளியானது வா வாத்தி பாடல்

வெங்கி அட்லூரி இயக்கத்தில் நடிகர் தனுஷ் நடிக்கும் படம், வாத்தி. தமிழ், தெலுங்கு என இரண்டு மொழிகளில் இப்படம் உருவாகி வருகிறது. தமிழில் வாத்தி என்றும் தெலுங்கில் சார் என்று பெயரிடப்பட்டு உள்ளது.

இப்படத்தில் தனுஷூடன் நடிகை சம்யுக்தா மேனன் நடிக்கிறார். கல்வித்துறையை அடிப்படையாக கொண்ட இந்த படத்தின் படப்பிடிப்பு 2022 ஜனவரி 5 அன்று தொடங்கியது.

சித்தாரா எண்டர்டெயின்மெண்ட்ஸ் நிறுவனம் சார்பில் நாக வம்சி தயாரித்துள்ளார்.

இப்படத்தின் டீஸர் கடந்த சில மாதங்களுக்கு முன்பு வெளியாகி வரவேற்பை பெற்றது. வாத்தி திரைப்படம் டிசம்பர் 2 ஆம் தேதி திரையரங்குகளில் ரிலீஸாகும் என அறிவிக்கப்பட்டு உள்ளது.

இப்படத்துக்கு யுவராஜ் ஒளிப்பதிவு செய்ய தேசிய விருது வென்ற நவீன் நூலி எடிட்டங் பணியை மேற்கொள்கிறார்.

இந்நிலையில் வாத்தி படத்தின் முதல் சிங்கள் இன்று மாலை வெளியாகும் என அறிவிக்கப்பட்டு இருந்தது. அறிவித்த படி சரியாக 6 மணிக்கு பாடல் வெளியாகி உள்ளது

‘வா வாத்தி’ என தொடங்கும் இந்த பாடலை ஜி.வி.பிரகாஷ் இசையமைத்துள்ளார். ஸ்வேதா மோகன் பாடிய இப்பாடலை, தனுஷ் எழுதியுள்ளார்.

நடிகர் தனுஷ் நடிப்பில் சமீபத்தில் திருச்சிற்றம்பலம், நானே வருவேன் திரைப்படங்கள் வெளியானது. அடுத்ததாக கேப்டன் மில்லர் திரைப்படம் அடுத்து தயாராகி வருகிறது.