ஆட்டோகிராஃப், 96 பட வரிசையில் ‘ஜோ’ - ரிலீஸ் தேதி எப்போ தெரியுமா?

நடிகர் ரியோ ராஜ் நடிப்பில் உருவாகிய ஜோ படத்தின் டிரெய்லர் ரிலீஸாகி வரவேற்பினைப் பெற்று வருகிறது.

2013ஆம் ஆண்டு விஜய் டிவியின் கனா காணும் காலங்கள் கல்லூரி சாலை என்னும் தொடரில் நடிகராக அறிமுகமாகிய ரியோ ராஜ், அதன்பின், சில ஆண்டுகள் சன் மியூசிக்கில் வீடியோ ஜாக்கியாகப் பணிபுரிந்தார். பின், ரியோ ராஜ், விஜய் டிவியின் சரவணன் மீனாட்சி தொடரின் மூன்றாவது சீசனில் முக்கிய கதாபாத்திரத்தில் நடித்தார்.

அதன்பின் படிப்படியாக பெரிய திரையில் தோன்ற முயற்சித்த ரியோ ராஜ், விக்ரம் பிரபு நடித்த சத்ரியன் படத்தின் ஒரு துணை வேடத்தில் நடித்தார். பின், சிவகார்த்திகேயனின் புரொடக்‌ஷன் நிறுவனத்தின்பேரில், ’நெஞ்சமுண்டு நேர்மையுண்டு ஓடு ராஜா’ என்ற நகைச்சுவைத் தொடரின் மூலம் ஹீரோவாக அறிமுகம் ஆனார். அதனைத் தொடர்ந்து, பிளான் பண்ணி பண்ணனும் என்னும் நகைச்சுவை படத்தில் நடித்தார்.

இந்நிலையில் வெகுநாட்களாக ஒரு ஹிட்டுக்கு காத்திருக்கும் ரியோ ராஜ், இதற்காக ஒன்றரை வருடங்களாக தாடி வளர்த்து வெவ்வேறு பரிமாணங்களுடன் நடித்திருக்கும்படம் தான், ஜோ. இந்நிலையில் இப்படம் வரும் நவம்பர் 24ஆம் தேதி திரையரங்குகளில் வெளியாகவுள்ளது. முன்னதாக சில தினங்களுக்கு முன் இப்படத்தின் ட்ரெய்லர் வெளியாகி வரவேற்பினைப் பெற்று வருகிறது. இப்படத்தின் ட்ரெய்லர் மிகவும் ஃபீல் குட்டாக உருவாகியுள்ளதாக நெட்டிசன்கள் கமெண்ட்டுகளைப் பதிவிட்டு வருகின்றனர்.

அதில் ஒருவர் ஹிருதயம் + பிரேமம்+ மீசைய முறுக்கு + ஆதித்ய வர்மா = ஜோ என்றும்; மேலும் சிலர் ட்ரெய்லர் அருமையாக இருப்பதாகவும் படம் பார்க்கத் தோன்றுவதாகவும் வாழ்த்துப் பதிவிட்டுள்ளனர். இன்னொரு ரசிகர் ஒருவர்,ஆட்டோகிராஃப், 96 பட வரிசையில் ஜோ படம் இருக்கிறது எனவும் தெரிவித்துள்ளார். இதுவரை 13 லட்சம் பார்வையாளர்களைக் கடந்து இந்த ட்ரெய்லர் ஹிட்டடித்துள்ளது.

இப்படத்தினை புதுமுக இயக்குநர் ஹரிஹரன் ராம்.எஸ் இயக்கியுள்ளார். படத்திற்கான இசையை, பேச்சிலர் படத்தில் அருமையான பாடல்களைத் தந்த சித்து குமார் மேற்கொண்டுள்ளார். அதேபோல், படத்தினை டாக்டர் அருளானந்த் தயாரிக்க, ஒளிப்பதிவு பணியினை ராகுல் கேஜி.விக்னேஷ் செய்துள்ளார். எடிட்டிங் பணியினை வருண் கே.ஜி. செய்ய, கலை இயக்கத்தை ஏபிஆர் செய்துள்ளார்.

ஒரு இளைஞரின் 17 வயது முதல் நடக்கும் காதல் சம்பவங்களை அடிப்படையாகக் கொண்டு உருவாகிய இப்படத்தின் ட்ரெய்லரும் காட்சியமைப்பும் அனைவரையும் ஈர்க்கும் வகையில் உருவாகியுள்ளது குறிப்பிடத்தக்கது. இந்நிலையில் ஜோ தமிழ்த்திரைப்படம் வரும் நவம்பர் 24ஆம் தேதி உலகம் முழுவதும் ரிலீஸாகவுள்ளது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v