ஊட்டியில் இடம் வாங்கிய தெலுங்கு நடிகர்! இத்தனை கோடியா! வாயை பிளந்த டோலிவுட்!

தெலுங்கு திரையுலகின் சூப்பர் ஸ்டார் என அறியப்படும் சீரஞ்சீவி, தெலுங்கில் 150 க்கும் அதிகமான படங்களில் நடித்துள்ளார். இவரின் மகன் ராம்சரணும் தெலுங்கில் முன்னணி ஹீரோவாக நடித்து வருகிறார். மேலும் 2008 ஆம் ஆண்டு அரசியல் கட்சியை தொடங்கிய சீரஞ்சீவி பிரஜா ராஜ்ஜியம் கட்சி பல இடங்களில் வெற்றி பெற்றது. பின்னர் 2011 ஆம் ஆண்டு இவரது கட்சியை இந்திய தேசிய காங்கிரசுடன் இணைத்தார். தற்போது ஆந்திராவில் நடந்த தேர்தலில் இவரது சகோதரர் பவன் கல்யாண் தெலுங்கு தேசம் கட்சியோடு கூட்டணி வைத்து தற்போது துணை முதலமைச்சராக உள்ளார். தெலுங்கு திரையுலகின் சூப்பர் ஸ்டார் நடிகரான சிரஞ்சீவி ஊட்டியில் நிலம் ஒன்றை விலைக்கு வாங்கியுள்ளார். இந்த நிலம் 6 ஏக்கர் பரப்பளவு உடையது எனத் தெரியவந்துள்ளது.

தமிழ்நாட்டின் ஊட்டியில் அமைதியான மலை உச்சியில் அமைந்துள்ள 6 ஏக்கர் நிலப்பரப்பை சிரஞ்சீவி சமீபத்தில் வாங்கியுள்ளார்.  இந்த இடத்தை வாங்க16 கோடி ரூபாய் முதலீடு செய்துள்ளார். இந்த இடம் ஊட்டியின் ரம்மியமான சூழலில் அமைந்து உள்ளதாக தெரியவந்துள்ளது. மேலும் அருகில் பரந்து விரிந்த தேயிலை தோட்டங்களுக்கு புகழ்பெற்ற பகுதியில் அமைந்துள்ளது. இது பல பிரபலங்கள் மற்றும் பெரிய கோடீஸ்வர்கள் மிகவும் விரும்பத்தக்க இடமாக அமைந்துள்ளது.

பண்ணை வீடு கட்டும் ஏற்பாடு 

 தெலுங்கு ஊடகம் ஒன்றில் வெளியான அறிக்கையின் அடிபடையில், சிரஞ்சீவியின் மகன் ராம் சரண், அவரது மனைவி உபாசனாவுடன், ஏற்கனவே அந்த இடத்தைப் பார்வையிட்டு, அங்கு கட்டப்படவிருக்கும் ஆடம்பரமான பண்ணை இல்லத்திற்கான வடிவமைப்புத் திட்டங்களுக்குப் பங்களித்துள்ளார். பண்ணை இல்லத்தின் மேம்பாடு விரைவில் தொடங்கும் என எதிர்பார்க்கப்படுகிறது. ரியல் எஸ்டேட்டில் சிரஞ்சீவியின் முயற்சிகள் புதிதல்ல, ஏனெனில் அவர் ஏற்கனவே கெம்பேகவுடா சர்வதேச விமான நிலையத்திற்கு அருகிலுள்ள தேவனஹள்ளியில் ஒரு பண்ணை வீட்டை வைத்திருக்கிறார். இவர் அடிக்கடி தனது குடும்பத்துடன் பண்டிகை காலங்களில் ஆடம்பரமான விடுமுறை நாட்களைக் கழிப்பார்.

சிரஞ்சீவிக்கு பிடித்த ஊட்டி 

இயல்பாகவே தனது பல படங்களின் பாடல்கள் ஊட்டியில் எடுக்கவே சிரஞ்சீவி விரும்புவார் எனக் கூறப்படுகிறது. மேலும் அவருக்கு ஊட்டி மிகவும் பிடித்த ஊர் எனவும் தெரியவந்துள்ளது. இதன் காரணமாகவே ஊட்டியில் இடம் வாங்கும் எண்ணம் வந்திருக்கலாம். 

தொழில்ரீதியாக சிரஞ்சீவி தற்போது மல்லிடி வசிஷ்டா இயக்கத்தில் வரவிருக்கும் மெகா சோசியோ-ஃபேண்டஸி படமான 'விஸ்வம்பர'வில் ஈடுபட்டுள்ளார். இப்படம் 2025 ஆம் ஆண்டு ஜனவரி 10,அன்று சங்கராந்தி பண்டிகையின் போது வெளியாகும் என அறிவிக்கப்பட்டுள்ளது. இப்படத்தில் குணால் கபூர், ஆஷிகா ரங்கநாத் மற்றும் மீனாட்சி சவுத்ரி ஆகியோர் முக்கிய வேடங்களில் நடித்துள்ளனர். இப்படத்தின் கதாநாயகியாக த்ரிஷா நடித்துள்ளார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.