Tamil Producer Council: சிம்பு, விஷால் உள்ளிட்ட 5 நடிகர்களுக்கு ரெட் கார்டு? தயாரிப்பாளர்கள் சங்கம் அதிரடி முடிவு
Jun 19, 2023, 04:26 PM IST
Share
தமிழ் சினிமாவின் 5 நடிகர்களுக்கு ரெட் கார்டு கொடுக்க தயாரிப்பாளர்கள் சங்கம் முடிவு செய்து இருப்பதாக சொல்லப்படுகிறது.
தமிழ் சினிமாவில் பல்வேறு சங்கங்கள் செயல்பட்டு வருகின்றன. அதில் மிக முக்கியமான சங்கம் என்றால் அது தமிழ் திரைப்பட தயாரிப்பாளர்கள் சங்கம் தான்.
இதில், தயாரிப்பாளர்களுக்கு தேவையான விஷயங்கள் கலந்துரையாடப்பட்டு சரி செய்யப்பட்டு வருகிறது.
இதில் நடிகர்களுக்கு ரெட் கார்டு காண்பிக்கப்பட்டால் அவர்களால் சினிமாவில் நடிக்க முடியாத நிலை உண்டாடும். சமீபத்தில் தயாரிப்பாளர் சங்க பொதுக்குழு நடைப்பெற்றது. அதில் தயாரிப்பாளர்களிடம் சம்பளம் வாங்கிகொண்டு படத்தில் நடிக்க கால்ஷீட் கொடுக்க மறுத்த நாயகர்கள் மீது நடவடிக்கை எடுக்கப்பட்டு உள்ளதாக கூறப்படுகிறது. இருப்பினும் இது குறித்து எந்த ஒரு அறிவிப்பும் வெளியாகவில்லை.
இந்நிலையில் சம்பளம் வாங்கி கொண்டு படத்திற்கு கால்ஷீட் தராமல் இழுத்தடிக்கும் நடிகர்களில், சிம்பு, அதர்வா, விஷால், எஸ்.ஜே சூர்யா, யோகி பாபு ஆகியோரின் பெயர்கள் இடம் பெற்று உள்ளதாம். அவர்களுக்கு தயாரிப்பாளர்கள் சங்கம் ரெட் கார்டு கொடுப்பதாக முடிவு செய்யப்பட்டு இருப்பதாக சொல்லப்படுகிறது.
சிம்பு, தயாரிப்பாளர் சங்கத்தில் ரெட் கார்டு வாங்குவது இது முதல் முறை அல்ல, சில ஆண்டுகளுக்கு முன்பே இதே பஞ்சாயத்து நடந்தது. அதற்கு பிறகு அவர்,' மாநாடு ' மற்றும் ' வெந்து தனித்து காடு' மூலம் மீண்டும் வந்தார். சிம்பு தனது அடுத்த படமான 'STR 48' க்கு ஒப்பந்தம் செய்துள்ளார், இது தேசிங் பெரியசாமி இயக்க உள்ளார். இதற்கிடையில், ஆதிக் ரவிச்சந்தர் இயக்கத்தில் விஷால் மற்றும் எஸ்.ஜே.சூர்யாஜ் நடித்துள்ள ' மார்க் ஆண்டனி ' படம் ரிலீசுக்கு தயாராகி வருகிறது .
நடிகர் எஸ்.ஜே சூர்யா மீது ஸ்டுடியோ கிரீன் தலைவர் ஞானவேல் ராஜாவும், நடிகர் சிம்பு மீது தயாரிப்பாளர் ஐசரி கணேஷும், நடிகர் விஷால் மீது கே.பி.பிலிம்ஸ் பாலுவும், அதர்வா மீது தயாரிப்பாளர் மதியழகன் புகார் கொடுத்துள்ளதாக கூறப்படுகிறது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்