களைகட்டும் பிக்பாஸ்! அமர்க்களமாக ஆறு புதிய போட்டியாளர்கள்! இனி தான் ஆட்டம் இருக்கு!

பிக் பாஸ் தமிழ் சீசன் 8 கடந்த அக்டோபர் ஆறாம் தேதி தொடங்கி வெற்றிகரமாக நடைபெற்று வருகிறது. இந்த நிகழ்ச்சியின் சுவாரசியமும், விறுவிறுப்பும் நாளுக்கு நாள் அதிகரித்துக் கொண்டே வருகிறது. கடந்த மூன்று வாரங்களாக மூன்று போட்டியாளர்கள் எலிமினேட் செய்யப்பட்ட நிலையில் நான்காவது வாரமான நேற்று எந்த போட்டியாளரும் எலிமினேட் செய்யப்படவில்லை. மேலும் நேற்று (03/11/2024)புதிதாக ஆறு போட்டியாளர்கள் வைல்ட் கார்டு என்ட்ரி மூலம்  உள்ளே நுழைந்துள்ளனர். புது போட்டியாளர்களின் வருகையால் பிக் பாஸ் வீடு சற்று சுவாரஸ்யம் அதிகரிக்க தொடங்கியது. ஏனெனில் புதிதாக நுழைந்தவர்கள் இதற்கு முந்தைய எபிசோடுகளை பார்த்து போட்டியாளர்களின் தவறுகளை சுட்டிக்காட்டி அவர்களை மேலும் சிறப்பாக நடக்க உதவி புரிவதால் பழைய போட்டியாளர்கள் தங்களை நிரூபித்துக் கொள்ள போட்டியிடுகின்றனர். 

 மேலும் புதிதாக வந்த போட்டியாளர்கள் பழைய போட்டியாளர்களின் மத்தியில் தனியாக தெரிய வேண்டும் எனவும் ஆட்டத்தை தொடங்கியுள்ளனர். இனிவரும் நாட்கள் பிக் பாஸ் சீசன் 18 அதிக சுவாரசியத்துடனும் விறுவிறுப்புடனும் இருக்கும் என எதிர்பார்க்கப்படுகிறது.

புதிய போட்டியாளர்கள்

சில தினங்களுக்கு முன்பில் இருந்தே பிக் பாஸ் 8இல் நுழைய போகும் புதிய போட்டியாளர்கள் குறித்து தகவல்கள் வெளிவந்த வண்ணம் இருந்தன. அதில் நிகழ்ச்சி தொகுப்பாளர் மற்றும் நடிகர் டி.எஸ்.கேவும் கலந்து கொள்வதாக இருந்தது. இருப்பினும் நேற்றைய எபிசோடில் உள்ளே நுழைந்த புதிய போட்டியாளர்களின் டி.எஸ்.கே இல்லை. மேலும் முன்னதாக வெளிவந்த தகவலின் அடிப்படையில் மஞ்சரி, சிவாஜி தேவ், வெங்கட் ஆகியோர் பிக் பாஸ் வைல்ட் கார்ட் போட்டியளராக உள்ளே  நுழைந்துள்ளனர். கூடுதலாக தமிழும் சரஸ்வதியும் சீரியல் மூலம் பிரபலமான நடிகர் ராயன் மற்றும் ரியா தியாகராஜன் ராணவ் ஆகியோர் புதிதாக நுழைந்துள்ளனர்.

விஜய் சேதுபதி ஒவ்வொரு போட்டியாளராக ரசிகர்களுக்கு அறிமுகப்படுத்தி உள்ளே அனுப்பி வைத்தார். இதில் முதலாவது போட்டியாளராக மாடல் மற்றும் 2023 ஆம் ஆண்டிற்கான மிஸ் சென்னையின் இரண்டாவது ரன்னராக தேர்ந்தெடுக்கப்பட்ட ஒருவர் தான் ரியா தியாகராஜன், தற்போது சமூக வலைதளங்களில் இன்ஃப்ளுயன்சராகவும் இருந்து வருகிறார். இந்நிலையில் பிக் பாஸ் வீட்டிற்குள் நுழையப் போகும் அவர் எனக்கு கிடைத்த இந்த வாய்ப்பை மிகவும் சரியாக பயன்படுத்திக் கொள்வேன் என தெரிவித்திருந்தார்.

 மாடலும், நடிகருமான வைல்ட்கார்ட் போட்டியாளரான ராணவ் பிக் பாஸ் தமிழ் 8 வீட்டில் வைல்ட் கார்டு போட்டியாளராக நுழைந்தார். பிக் பாஸ் முதல் சீசனில் வைல்ட் கார்ட் என்ட்ரியில் நுழைந்த சுஜாவருணியின் கணவர் சிவாஜி ராவ் இந்த சீசனில் வைல்ட் கார்ட் போட்டியாளராக நுழைந்துள்ளார். மேலும் இவர் நடிகர் சிவாஜியின் பேரன் என்பது குறிப்பிடத்தக்கது. இவர்களுடன் தொகுப்பாளனி மஞ்சரி, தமிழும் சரஸ்வதியும் சீரியலில் வில்லனாக வந்த நடிகர் ராயன் மற்றும்வெங்கட் ஆகியோர் நுழைந்துள்ளனர். 

புதிய போட்டியாளர்கள் உள்ளே நுழைந்த நிலையில் இன்று ஓபன் நாமினேஷன் நடந்துள்ளது. இதில் அனைவரும் வெளிப்படையாக போட்டியாளர்களை நாமினேட் செய்துள்ளனர். இனி வரும் நாட்கள் பிக்பாஸில் களைகட்டப் போகிறது. வந்த உடனே புது போட்டியாளர்கள் அவர்களது வேலையை காட்ட ஆரம்பித்து விட்டனர்.