68th national film awards 2022: குடும்பத்துடன் டெல்லி சென்ற சூர்யா

திரைத்துறையில் சிறந்து விளங்கும் நடிகர், நடிகைகள், தொழில்நுட்பக் கலைஞர்கள் உள்ளிட்டோருக்கு ஆண்டுதோறும் மத்திய தகவல் ஒலிபரப்புத் துறை அமைச்சகம் தேசிய விருது வழங்கி கௌரவிக்கிறது. 

அந்த வகையில் 68 ஆவது தேசிய திரைப்பட விருதுகளுக்கான அறிவிப்பு ஜூலை 22 ஆம் தேதி அறிவிக்கப்பட்டது. அதில் நடிகர் சூர்யா நடிப்பில் கடந்த 2020 ஆம் ஆண்டு வெளியான சூரரைப் போற்று திரைப்படம் 5 தேசிய விருதுகளை வென்றது.

சிறந்த படம், சிறந்த நடிகையாக அபர்ணா பாலமுரளி, சிறந்த நடிகராக சூர்யா, சிறந்த பின்னணி இசைக்காக ஜிவி பிரகாஷ், சிறந்த திரைக்கதைக்காக இயக்குனர் சுதா கொங்கரா ஆகியோர் விருதினை பெற்றுக் கொள்ளவுள்ளனர்.

இந்நிலையில் டெல்லியில் இன்று ( செப் 30 ) தேசிய திரைப்பட விருதுகளை குடியரசு தலைவர் திரெளபதி முர்மு வழங்குகிறார் . 

இதற்காக நடிகர் சூர்யா டெல்லி புறப்பட்டு சென்றுள்ளார். அவர் வாங்கும் முதல் தேசிய விருது இது என்பதால் அதை பார்ப்பதற்காக அவரது குடும்பத்தினரும் உடன் சென்றுள்ளனர். 

மனைவி ஜோதிகா, தேவ், தியா ஆகியோருடன் நடிகர் சூர்யா விமான நிலையம் சென்ற போது எடுத்த வீடியோ வெளியாகி வைரலாகி வருகிறது.