Suriya Hindi debut: ‘கர்ணா..’பான் இந்தியாதான் டார்கெட்.. ஹிந்தி பக்கம் செல்லும் சூர்யா? - இயக்குநர் யார் தெரியுமா?

நடிகர் சூர்யா தற்போது சிறுத்தை சிவா இயக்கத்தில் உருவாகி வரும் கங்குவா திரைப்படத்தில் நடித்து வருகிறார். இந்தப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்தப்படத்தை அடுத்த வருடம் திரைக்கும் கொண்டு வர படக்குழு முடிவு செய்திருக்கிறது. 

இந்த நிலையில் நடிகர் சூர்யா ஹிந்தியில் அறிமுகமாக இருப்பதாக தகவல் வெளியாகி இருக்கிறது. இந்தப்படத்தை பிரபல ஹிந்தி இயக்குனர் ஓம்பிரகாஷ் மவுரியா இயக்க இருப்பதாக தகவல்கள் வெளியாகி இருக்கின்றன. 

சரித்திர கதையாக உருவாக இருக்கும் இந்தப்படம் மகாபாரத கதையை தழுவி எடுக்கப்பட இருப்பதாகவும், அந்தக்கதையில் நடிகர் சூர்யா கர்ணன் கதாபாத்திரத்தில் நடிக்க இருப்பதாகவும் சொல்லப்படுகிறது. 

இரண்டு பாகங்களாக உருவாக இருக்கும் இந்தப்படத்தின் படப்பிடிப்பு 2024ம் ஆண்டு தொடங்கும் என எதிர்பார்க்கப்படுகிறது. இந்தப்படத்திற்கு செல்வதற்கு முன்னர் நடிகர் சூர்யா  கங்குவா மற்றும் சுதா கொங்கரா இயக்கத்தில் உருவாகும் படம் ஆகியவற்றை முடித்து விடுவார் என கூறப்படுகிறது. 

முன்னதாக பிரபல இயக்குநர் ராம்கோபால் வர்மா இயக்கத்தில் இந்தி மற்றும் தெலுங்கில் உருவான  ‘ரத்த சரித்திரா’  படத்தில் சூர்யா நடித்திருந்தார். இந்தப்படம் தமிழிலும் டப் செய்து வெளியிடப்பட்டது.