Nagarjuna to meet Samantha: சமந்தாவை சந்திக்கும் நாகார்ஜுனா?

நாக சைதன்யாவுடனான விவாகரத்துக்கு சமந்தா தான் காரணம் என அக்கினேனி ரசிகர்கள் குற்றம் சாட்டினர் . இவர்களது விவாகரத்துக்கான உண்மையான காரணம் இதுவரை வெளிவரவில்லை. 

இன்னும் சாம் மீது அக்கினேனி ரசிகர்கள் கடும் அதிருப்தியில் உள்ளனர். விவாகரத்து தொடர்பாக அவர் ஏற்கனவே சில நேரங்களில் பகிரங்கமாக பதிலளித்துள்ளார். சைதன்யாவுடனான உறவு தற்போது நன்றாக இல்லை என்றும் அவர் கூறினார் . ஆனால் சைதன்யா இது வரை இது குறித்து பதில் அளிக்கவில்லை. இதுவும் ரசிகர்கள் மத்தியில் அவர் மீதான கோபத்தை அதிகரித்தது.

சமீபத்தில் சமந்தா மயோசிடிஸ் என்ற அரிய நோயால் பாதிக்கப்பட்டுள்ளதாக தெரிவித்ததால், அவருக்கு அனைத்து தரப்பிலிருந்தும் அனுதாபங்கள் கிடைத்து வருகின்றன. பிரபலங்களுடன், ரசிகர்களும் அவர் மீது பரிதாபப்படுகிறார்கள்.

இதுவரை அக்கினேனியின் குடும்பத்தில் இருந்து சுஷாந்தைத் தவிர வேறு யாரும் பதிலளிக்கவில்லை. நாக சைதன்யா, நாகார்ஜுனா மற்றும் அமலா ஆகியோரிடமிருந்து எந்த அறிக்கையும் சமூக ஊடகங்களிலும் இல்லை. 

லேட்டஸ்ட் தகவல்களின் படி நாகார்ஜுனா நேரடியாகச் சென்று சமந்தாவைச் சந்திக்கவுள்ளார். சைதன்யா அவருடன் இருப்பாரா இல்லையா என்பது தெரியவில்லை. 

இவர்கள் இருவரும் விவாகரத்துக்கு பிறகும் சமந்தா குறித்து நாகார்ஜுனா கூறிய பாசிட்டிவ் வார்த்தைகள் ரசிகர்களை கவர்ந்தன. மேலும் தற்போது மயோசிடிஸ் நோயால் பாதிக்கப்பட்டுள்ள தனது முன்னாள் மருமகளை சந்திக்க நேரடியாக செல்லவுள்ளார் என்ற தகவல் ரசிகர்களை அதிகம் கவர்ந்து வருகிறது. அப்படி நடந்தால், அக்கினேனி குடும்பத்தினர் மீது ரசிகர்களின் மரியாதை  அதிகரிக்கும் என்பது உறுதி.