தொடங்கியது ’ சூரரைப் போற்று ‘ இந்தி ரீமேக்

நடிகர் சூர்யா நடிப்பில் இயக்குநர் சுதா கொங்கரா இயக்கத்தில் உருவான திரைப்படம் , ’ சூரரைப் போற்று ‘ . இந்த திரைப்படம் கடந்த 2020 ஆம் ஆண்டு அமேசான் ஃபிரைம் ஓடிடி தளத்தில் வெளியாகி உள்ளது . 

ஜி ஆர் கோபிநாத்தின் வாழ்க்கையை மையமாக கொண்டு இந்தப் படம் உருவாகி இருக்கிறது . இந்த படம் மிகப்பெரிய வரவேற்பு பெற்றது .

இந்த படத்தின் இந்தி ரீமேக் விரைவில் உருவாக இருப்பதாகவும் , அதனையும் இயக்குநர் சுதா கொங்கரா இயக்க இருப்பதாகவும் சமீபத்தில் அறிவிக்கப்பட்டது . மேலும் இந்த படத்தின் படப்பிடிப்பு ஏப்ரல் 25ஆம் தேதி தொடங்கும் என சமீபத்தில் தகவல் வெளியானது .

இந்த நிலையில் ’ சூரரைப் போற்று ‘ படத்தின் இந்தி ரீமேக் குறித்த அதிகாரப்பூர்வ அறிவிப்பு வெளியாகி உள்ளது . 

அதன் படி நடிகர் சூர்யா நடித்த மாறா கதாபாத்திரத்தில் பாலிவுட் நடிகர் அக்‌ஷய் குமார் நடிக்க இருக்கிறார் . அதே போல் நாயகியாக ராதிகா மதன் நடிக்க இருப்பதாகவும் அறிவிக்கப்பட்டு உள்ளது .

மேலும் இந்த படத்தை நடிகர் சூர்யாவின் 2டி எண்டர்டெயின்மெண்ட் நிறுவனம் தயாரிக்க இருப்பதாக அதிகாரப்பூர்வமாக அறிவிக்கப்பட்டு உள்ளது . இந்த படத்தின் படப்பிடிப்பு இன்று ( ஏப்ரல் 25 ) முதல் தொடங்கி இருக்கிறது .

இதற்காக நடிகர் சூர்யா மும்பை சென்று இருக்கிறார் . அவர் விமான நிலையத்தில் இருந்த புகைப்படங்கள் மற்றும் வீடியோக்கள் சமூக வலைதளங்களில் வைரலானது .

இந்த படத்தின் மற்ற நடிகர்கள் , நடிகைகள் தொழில்நுட்ப கலைஞர்கள் குறித்த அறிவிப்பு இன்னும் ஓரிரு நாளில் வெளியாகும் எனப் படக்குழுவினர் தெரிவித்து உள்ளனர் .

நடிகை அக்‌ஷய் குமார் சமீப காலமாக தமிழ் ரீமேக் படங்களில் நடிப்பதில் ஆர்வம் காட்டி வருகிறார் . அந்த வகையில் இவர் , ‘ ஜிகிர்தண்டா ‘ படத்தின் தமிழ் ரீமேக்கில் நடித்திருந்தது குறிப்பிடத்தக்கது . தற்போது சூர்யாவின் ’ சூரரைப் போற்று ‘ ரீமேக்கில் அவர் நடிக்கிறார் என்பது குறிப்பிடத்தக்கது .