Sivakarthikeyan: "உங்கள் அளவு கடந்த அன்புதான் என்னை இன்னும் கடினமாக உழைக்க தூண்டுகிறது" - சிவகார்த்திகேயன் நெகிழ்ச்சி

இதுதொடர்பாக சிவகார்த்திகேயன் தனது இன்ஸ்டா பக்கத்தில் பகிர்ந்துள்ள பதிவில், "எனது பிறந்தநாளுக்கு நீங்கள் அனைவரும் செலுத்திய அன்பு மிகவும் உணர்ச்சிபூர்வமாகவும், மனநிறைவாகவும் இருந்தது. அதற்கு அனைவருக்கும் மனமார்ந்த நன்றிகள்.

கலைத்துறை, மற்றும் ஊடகங்கள் இருந்து வாழ்த்திய அன்பான நண்பர்களுக்கும், எனக்கு தொடர்ந்து ஆதரவு அளித்துவரும் அனைவருக்கும் மிகப் பெரிய நன்றியை தெரிவித்துக்கொள்கிறேன். அன்பை பொழிந்த நட்சத்திரங்களுக்கும், ரசிகர்களுக்கும் நன்றி.

அமரன் டீசர் மூலம் இந்த நாளை மேலும் மறக்க முடியாத நாளாக மாற்றியமைத்த எனது தயாரிப்பாளர் உலகநாயகன் கமல்ஹாசன், சோனி பிக்சர்ஸ், இயக்குநர் ராஜ்குமார் பெரியசாமி, மகேந்திரன், டிஸ்னி மற்றும் அமரன் படக்குழுவினர் அனைவருக்கும் மனமார்ந்த நன்றிகள்.

அதே நாளில் எங்களது சிவகார்த்திகேயன் புரொடக்சன்ஸ் தயாரிப்பில் உருவான கொட்டுக்காளி படம் பெர்லின் சர்வதேச திரைப்பட விழாவில் பிரத்யேகமாக திரையிடப்பட்டு உலக அரங்கில் பெரும் பாராட்டுகளை பெற்றது மட்டற்ற மகிழ்ச்சி.

எனது பிறந்த நாளை படப்பிடிப்பு தளத்தில் கொண்டாடிய இயக்குநர் ஏ.ஆர். முருகதாஸ் மற்றும் SK23 படக்குழுவினர்களுக்கும் எனது மனமார்ந்த நன்றியை தெரிவித்து கொள்கிறேன்.

எனது அன்பான ரசிகர்களான சகோதர, சகோதரிகள் சமூக ஊடகங்களில் அன்பையும், வாழ்த்துகளையும் நிரப்பி மாநிலம் முழுவதும் பல்வேறு இடங்களில் நலத்திட்டங்கள் செய்துள்ளனர். அவர்கள் அனைவருக்கும் எனது முழு மனதுடன் நன்றியை தெரிவித்து கொள்கிறேன். இந்த அளவு கடந்த அன்புதான் என்னை இன்னும் கடினமாக உழைக்க தூண்டுகிறது.

அனைவருக்கும் மீண்டும் ஒரு முறை என் இதயம் நிறைந்த நன்றியை தெரிவித்துக்கொள்கிறேன்."

இவ்வாறு அவர் குறிப்பிட்டுள்ளார்.

சிவகார்த்திகேயன் தற்போது ஏ.ஆர். முருகதாஸ் இயக்கும் புதிய படத்தில் நடித்து வருகிறார். கமல்ஹாசன் தயாரிப்பில், ராஜ்குமார் பெரிய சாமி இயக்கத்தில் அவர் நடித்து முடித்திருக்கும் அமரன் படத்தின் இறுதிகட்ட பணிகள் நடைபெற்று வருகிறது.

கோடை விடுமுறையில் இந்த படம் திரைக்கு வரலாம் என எதிர்பார்க்கப்படுகிறது.

சிவகார்த்திகேயன் நடிப்பில் இந்த ஆண்டு பொங்கல் வெளியீடாக திரைக்கு வந்த அயலான் சூப்பர் ஹிட் ஆனதுடன், பாக்ஸ் ஆபிஸிலும் வசூலை குவித்தது.

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9