Simbu: 'அதுக்கு நான் காரணம் இல்ல' - சிம்பு வீடியோ வைரல்

நடிகர் சிம்பு நடித்து இருக்கும் பத்து தல படம் வரும் 30 ஆம் தேதி வெளியாகிறது. ஸ்டூடியோ க்ரீன் நிறுவனம் தயாரிக்கும் இப்படத்தை சில்லுனு ஒரு காதல் பட இயக்குநர் கிருஷ்ணா இயக்கி இருக்கிறார்.

படம் நாளை வெளியாகவுள்ள நிலையில் ப்ரோமோஷன் பணிகள் விறுவிறுப்பாக நடைபெற்று வருகிறது. இந்த முறை சிம்பு படத்திற்கு அதிகாலை 5 மணி காட்சி இல்லை என தெரிவிக்கப்பட்டு உள்ளது. அதே போல் முதல் காட்சி காலை 8 மணிக்கு தொடங்கும் என அறிவிக்கப்பட்டு உள்ளது.

இந்நிலையில் சிம்பு படத்தை அனைவரும் திரையரங்கிறகு சென்று பாருங்கள் என கோரிக்கை வைத்து உள்ளார்.

அதில், "அனைவருக்கும் வணக்கம் பத்து தல திரைப்படத்திற்கு மிகப்பெரிய எதிர்பார்ப்பு இருக்கிறது என்றும் பெரிய ஓபனிங் இருக்கு என சொல்றாங்க.

இதற்கு காரணம் நான் இல்லை. என்னுடைய நடிப்பில் வெளியான முந்தைய படங்கள் வெற்றி பெற்றதால் தான் இது நடக்கிறது. இதற்கு எல்லாம் ஒரே காரணம் நீங்க கொடுத்த ஆதரவு மட்டும் தான்.

உங்களுக்கு நான் எத்தனை முறை நன்றி சொன்னாலும் பத்தாது, ரொம்ப நன்றி. படத்தை திரையங்கிற்கு வந்து பார்த்து கொண்டாடுங்க. கண்டிப்பாக உங்களுடைய குடும்பத்தோடு வாங்க. படம் ரொம்ப நல்லா வந்திருக்கு.

இயக்குநர் கிருஷ்ணா மிக சிறப்பாக படத்தை இயக்கியிருக்கிறார். அதைப்போல ஏ. ஆர். ரஹ்மான் இசை மற்றும் பீஜியம் பற்றி நான் சொல்வ வேண்டியதில்லை.

இந்த படம் மிகப்பெரிய வெற்றி படமாக அமைய வேண்டும் என்று எல்லாம் வல்ல இறைவனை வேண்டிக்கிறேன். உங்களோட அன்பும், ஆதரவும் எனக்கு கண்டிப்பாக என்றும் தேவை, நீங்க இல்லாம நான் இல்லை " என கூறினார்.