வாரிசு படத்தில் ஷாம் கதாபாத்திரம் என்ன?

நடிகர் விஜய், தற்போது தனது 66 ஆவது படத்தில் நடித்து வருகிறார். வம்ஷி பைடிபள்ளி இயக்கத்தில் உருவாகும் இப்படத்திற்கு 'வாரிசு' என பெயரிடப்பட்டுள்ளது.

தில் ராஜு தயாரிக்கும் இப்படம் தமிழ், தெலுங்கு என இரண்டு மொழிகளில் உருவாகிறது. விஜய்க்கு ஜோடியாக ரஷ்மிகா மந்தனா நாயகியாக நடிக்கும் வாரிசு படத்தில், பிரகாஷ் ராஜ் மற்றும் சரத் குமார் முக்கிய வேடங்களில் நடிக்கிறார்கள்.

விஜய்க்கு ஜோடியாக ரஷ்மிகா மந்தனா நாயகியாக நடிக்கும் வாரிசு படத்தில், பிரகாஷ் ராஜ் மற்றும் சரத் குமார் முக்கிய வேடங்களில் நடிக்கிறார்கள்.

அவர்களுடன் பிரபு, ஜெயசுதா, ஷாம், தெலுங்கு நடிகர் ஸ்ரீகாந்த் மற்றும் யோகி பாபு ஆகியோர் துணை வேடங்களில் நடிக்கின்றனர்.

குடும்ப உறவுகளை மையமாக வைத்து உருவாக்கப்பட்ட கதையான வாரிசு, முழுக்க முழுக்க ஆக்‌ஷன், மாஸ் மற்றும் நல்ல பாடல்கள் அடங்கிய ஃபீல் குட் படமாக இருக்கும் என எதிர்பார்க்கப்படுகிறது.

சமீபத்தில் விசாகப்பட்டினத்தில் நடக்கும் படப்பிடிப்பின் வீடியோ சமூக வலைதளங்களில் லீக்கானது. அதில், விஜய் மற்றும் ஷாம் துறைமுகத்தில் கப்பல் தொழிலாளர்களுடன் இருந்தனர். 

இந்நிலையில் வாரிசு படத்தில் விஜய்யின் சகோதரராக ஷாம் நடிப்பதாக தகவல்கள் வெளியாகி உள்ளது. 

குஷி படத்தில் சிறிய கதாபாத்திரத்தில் விஜய்யுடன் நடித்த ஷாம், 22 ஆண்டுகளுக்குப் பிறகு இந்த படம் மூலம் மீண்டும் இணைந்து உள்ளார் என்பது குறிப்பிடத்தக்கது.