Ritika: வா.. வா.. என் தேவதையே - பெண் குழந்தைக்கு அம்மாவான சீரியல் நடிகை ரித்திகா!
Sep 15, 2024, 06:39 AM IST
Share
Ritika: ரித்திகாவிற்கு கடந்த செப்டம்பர் 10 ஆம் தேதி பெண் குழந்தை பிறந்து உள்ளது. இதனை அவர் மிகவும் மகிழ்ச்சியாக தனது சமூக வலைத்தளத்தில் அறிவித்து இருக்கிறார்.
Ritika: சீரியல் நடிகை ரித்திகா கடந்த சில மாதங்களுக்கு முன் கர்ப்பமாக இருப்பதாக அறிவித்தார். அதனை தொடர்ந்து அவரின் வளைகாப்பு புகைப்படங்கள் கூட வெளியாகி வைரலானது. இதனிடையே ரித்திகாவிற்கு கடந்த செப்டம்பர் 10 ஆம் தேதி பெண் குழந்தை பிறந்து உள்ளது. இதனை அவர் மிகவும் மகிழ்ச்சியாக தனது சமூக வலைத்தளத்தில் அறிவித்து இருக்கிறார். இதனை பார்த்த ரசிகர்கள் மற்றும் திரையுலகினர் அவருக்கு வாழ்த்து தெரிவித்து வருகிறார்கள்.
விஜய் டிவியில் ஒளிப்பரப்பான ‘ ராஜா ராணி ’ சீரியலில் வினோதினி என்ற ஒரு சிறிய கதாபாத்திரத்தில் நடித்து அறிமுகமானவர் நடிகை ரித்திகா. தொடர்ந்து ‘ சிவா மனசுல சக்தி ’ ‘ சாக்லேட்’ , ‘ திருமகள் ’ உள்ளிட்ட சீரியல்களில் இவர் நடித்தார். அதனைத் தொடர்ந்து ‘ குக் வித் கோமாளி ’ நிகழ்ச்சியில் கலந்து கொண்டு பிரபலமானார்.
சிறிய கதாபாத்திரத்தில் நடித்து அறிமுகம்
அந்த நிகழ்ச்சியில் இவருடன் கோமாளியாக கலந்து கொண்ட பாலாவை இவர் காதலிப்பதாக கூறி தகவல்கள் வெளியாகின. அதனைத்தொடர்ந்து அதற்கு இவர் வீடியோ வாயிலாக விளக்கமளிக்க, அந்த சர்ச்சை முடிவுக்கு வந்தது.
அமிர்தா கதாபாத்திரத்தில் நடிக்க வாய்ப்பு
அதனைத்தொடர்ந்து ரித்திகாவிற்கு விஜய் டிவியின் ப்ரைம் டைமில் ஒளிப்பரப்பாகி வரும் பாக்கியலட்சுமி சீரியலில் அமிர்தா கதாபாத்திரத்தில் நடிக்க வாய்ப்பு கிடைத்தது.பின்னர் இந்த சீரியலில் அமிர்தா கதாபாத்திரத்தில் நடித்து பிரபலமானார்.
போராட்டங்களுக்கு பிறகு திருமணம்
பாக்கியலட்சுமி சீரியலில் இவருடைய கேரக்டர், காதலித்து திருமணம் செய்த கணவர் தன் கண்முன்னே இறந்து போய்விட பிறகு தன்னுடைய குழந்தையோடு கணவரின் பெற்றோரோடு ரித்திகா வாழ்கிறார். பிறகு எழிலை காதலித்து இருப்பார். பல போராட்டங்களுக்குப் பிறகு பாக்யா முயற்சியால் எழில் மற்றும் அமிர்தாவுக்கு திருமணமும் நடைபெற்றது.
ரித்திகாவிற்கு திருமணம்
திருமணத்திற்கு பிறகு அமிர்தா பாக்யாவிற்கு பக்கபலமாக இருந்து வந்தார். அந்த நேரத்தில் தான் ரித்திகாவிற்கு திருமணம் நடைபெற்றது. திருமணத்திற்கு பிறகும் தொடர்ச்சியாக பாக்கியலட்சுமி சீரியலில் நடித்துக் கொண்டிருந்தார். ஆனால் திடீரென்று அந்த சீரியலில் இருந்து விலகி விட்டார்.
ரித்திகாவும், விஜய் டிவியில் கிரியேட்டிவ் புரொடியூசராக பணியாற்றி வரும் வினு என்பவரும் கடந்த சில ஆண்டுகளாக காதலித்து வந்த நிலையில் கடந்த ஆண்டு திருமணம் செய்து கொண்டார்கள்.
நான் கர்ப்பமாக இருந்தேன்
முன்னதாக அவர் சீரியலில் இருந்து விலகியது சர்ச்சையாக மாறிய நிலையில் அதற்கு நேர்காணல் முன்பாக பதில் கொடுத்தார், ”நான் திருமணத்திற்கு பிறகு நடிக்க வேண்டும் என்று தான் நினைத்திருந்தேன். நான் நடிக்க கூடாது என்று என்னுடைய கணவரோ, என் கணவர் வீட்டிலோ யாரும் சொல்லவில்லை. ஆனால் எனக்கு உடல் நிலையில் சில பிரச்சனைகள் வந்தது. அதனால் தான் நான் நடிப்பை விட்டு விலகி இருந்தேன்.
அந்த நேரத்தில் சில மாதங்கள் கழித்து நான் கர்ப்பமாக இருந்தேன். இது கடவுள் கொடுத்த வரம் என்பதால் இதை மனப்பூர்வமாக ஏற்றுக்கொண்டு இந்த வாழ்க்கைக்கு தயாராகி விட்டேன். குழந்தை பிறந்து ஓரளவிற்கு செட்டில் ஆனதும் மீண்டும் நடிக்க தொடங்குவேன். உடல்நிலை பிரச்சனை காரணமாகத்தான் நான் சீரியலை விட்டு விலகினேன்” என்று ரித்திகா கூறியுள்ளார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்