Samantha: சிட்டாடெல் ஷுட்டிங்கை முடித்த சமந்தா சினிமாவுக்கு பிரேக் - இன்ஸ்டாவில் உணர்ச்சிகரமான பதிவு

தமிழ், தெலுங்கு சினிமாக்களில் டாப் நடிகையாக வலம் வரும் சமந்தா, விஜய் தேவரகொண்டாவுடன் இணைந்து குஷி படத்தில் நடித்து வருகிறார். இந்த படத்தின் படப்பிடிப்பு கடந்த இரு நாள்களுக்கு முன்னர் தான் நிறைவடைந்தது.

இதைத்தொடர்ந்து வருண் தவானுடன் இணைந்து நடித்து வரும் ஹாலிவுட் வெப் சீரிஸான சிட்டடெல் இந்திய ரீமேக்கில் தனது பகுதிகளின் காட்சிகளை முடித்துள்ளார் சமந்தா. இந்த இரண்டு படங்களை தவிர வேறு எந்த படங்கள், வெப்சீரிஸிலும் கமிட்டாக சமந்தா ஏற்கனவே தெரிவித்தது போல் குட்டி பிரேக் எடுக்கவுள்ளார்.

தனது உடல்நிலையை கருத்தில் கொண்டு அவர் இந்த பிரேக் எடுக்க இருப்பதாக தெரிவித்துள்ளார். இதையடுத்து சிட்டடெல் கடைசி நாள் ஷுட்டிங் முடித்த பின்னர் படக்குழுவினர்களுடன் இணைந்து புகைப்படங்கள் எடுத்துக்கொண்டு விடைபெற்றுள்ளார்.

இதையடுத்து சமந்தா தனது இன்ஸ்டாவில் சிட்டடெல் பட இயக்குநர் ராஜ்டிகே மற்றும் திரைக்கதை ஆசிரியர் சீதா மேனன் ஆகியோருடன் இருக்கும் புகைப்படத்தை பகிர்ந்து உருக்கமான பதிவையும் பகிர்ந்துள்ளார். அதில், " நீங்கள் எடுத்துக்கொள்ளும் பிரேக் உங்கள் இனி வரப்போகும் விஷயத்தை வைத்து பார்க்கும்போது மோசமானது இல்லை என்பதை உணர்வீர்கள். ராம் மற்றும் டிகே, சீதா மேனன் ஆகியோர் எனக்கு தெரியாத குடும்பமாக இருந்தாலும், எனக்கு தேவைப்படும் குடும்பமாகவே உள்ளார்கள்.

சமீப காலத்தில் நான் சந்தித்த ஒவ்வொரு போராட்டத்தின்போது எனக்கு துணை நின்று, ஒருபோதும் துவண்டுபோகாமல் இருக்க உதவியதற்கு உங்களுக்கு நன்றிகள். உலகில் உள்ள மற்ற அனைத்து விஷயங்களையும் விட உங்களை பெருமைப்படுத்த விரும்புகிறேன்.

எனது வாழ்நாளில் சிறந்த கதாபாத்திரம் கொடுத்ததற்காக நன்றிகள். அதாவது, எனக்கான அடுத்த கதாபாத்திரம் எழுதும் வரை" என்று குறிப்பிட்டுள்ளார்.

சமந்தாவின் இந்த பதிவுக்கு, " கண்டிப்பாக நீங்கள் மிகவும் கடினமான, சவால் மிக்க கதாபாத்திரத்தில் நடித்துள்ளீர்கள். உங்களது அற்புதமான பணியை கண்டு பெருமை கொண்டுள்ளோம்." என்ற சிட்டடெல் இயக்குநர் ராஜ்டிகே பதில் அளித்துள்ளனர்.

சமந்தா நடிப்பில் உருவாகியிருக்கும் குஷி திரைப்படம் செப்டம்பர் 1ஆம் தேதி ரிலீசாகவுள்ளது. அதேபோல் சிட்டடெல் வெப் சீரிஸும் அமேசான் ப்ரைமில் வெளியாகவுள்ளது.