HBD Sai Pallavi: மலரே நின்னை காணாதிருந்நால்.. மேக்கப் விரும்பாத சாய் பல்லவிக்கு ஹாப்பி பர்த் டே!
May 09, 2023, 06:50 AM IST
Share
நடிகை சாய் பல்லவி இன்று தனது 30 ஆவது பிறந்தநாளை கொண்டாடுகிறார்.
நீலகிரி மாவட்டத்தில் பிறந்து கோயம்புத்தூரில் வளர்ந்தவர் சாய் பல்லவி, ஜார்ஜியாவில் மருத்துவம் படித்து பட்டம் பெற்றவர். ஆனால் மருத்துவராகப் பதிவு செய்துகொள்ளாமல் தன் தாய்வழியாக நடனம் மீது ஏற்பட்ட ஆர்வத்தால் தொலைக்காட்சி நடனப் போட்டி நிகழ்ச்சிகளில் பங்கேற்றார்.
‘கஸ்தூரிமான்’, ‘தாம்தூம்’ திரைப்படங்களில் பெயரிடப்படாத வேடங்களில் தலைகாட்டியவர் 2015 ஆம் ஆண்டு அல்போன்ஸ் புத்திரன் இயக்கத்தில் மலையாளத்தில் வெளியான ‘பிரேமம்’ படம் மூலம் பிரபலமானார். தமிழகத்தில் அந்தப் படம் 200 நாட்களுக்கு மேல் ஓடி மிகப் பெரிய வெற்றியைப் பெற்றது.
அவரின் கதாபாத்திரமான மலர் டீச்சர் என பலரும் சாய் பல்லவியை அழைக்க அரம்பித்தனர். இளைஞர்களின் கனவு கன்னியாக மாறினார். முதல் படத்திலேயே மக்கள் மனதில் நீங்கா இடம் பிடித்தார்.
ஆனால் அவர் சினிமா துறையில் இருக்க வேண்டும் என்று ஒரு போது நினைக்கவோ, விரும்பவோ இல்லை. அவர் ஒருபோதும் நடிகையாக வேண்டும் என்று விரும்பியதில்லை. மருத்துவத் துறையில் செல்ல விரும்பினார். நடிகையாக இல்லாமல் இருந்திருந்தால் இதய நோய் நிபுணராக இருந்து இருப்பேன் என பல முறை அவர் கூறி உள்ளார்.
இதை தொடர்ந்து சாய் பல்லவி நடித்த 'காளி' படமும் பெரும் வரவேற்பை பெற்றது. இதில் அவரது நடிப்பு மிகவும் பிடித்திருந்தது. சாய் ஒரு நல்ல நடிகை மற்றும் நல்ல நடனக் கலைஞர் என்பது அனைவருக்கும் தெரிந்த ஒன்று. அவர் நடனப் பயிற்சி எடுத்ததில்லை. இதுவரை 15 படங்களில் நடித்துள்ள சாய் பல்லவி, குறுகிய காலத்தில் நிறைய பெயரை சம்பாதித்துள்ளார், இது ஒரு நடிகரின் வாழ்க்கையில் ஒரு பெரிய சாதனை.
மேக்கப் விரும்பாத நடிகை
சாய் பல்லவி மேக்கப் இல்லாமல் நடிக்கிறார் என பலருக்கும் தெரிந்த ஒன்று. மேலும் அவர் சினிமா பிரியர்களிடையே மிகவும் பிரபலமாகவும் விரும்பப்படவும் இதுவே காரணம். கேமராவுக்குத் தேவையான அளவுக்கு மட்டுமே படங்களில் மேக்கப் போடுவார்.
ஒரு முறை ஃபேர்னஸ் க்ரீம் விளம்பரத்தில் வந்த வாய்ப்பை உதறி தள்ளினார். அவர் பேசுகையில், “மேக்கப் இல்லாமல் படங்களில் நடிக்கும் போது, எப்படி ஃபேர்னஸ் க்ரீமை விளம்பரப்படுத்த முடியும். எனக்கு 2 கோடி ரூபாய் மதிப்புள்ள ஃபேர்னஸ் கிரீம் விளம்பரம் பல முறை வந்தும் நான் நிராகரித்தேன். எனக்கு அழகுசாதனப் பொருட்கள் பிடிக்காது. மேலும் மக்களை குழப்பும் எதையும் நான் விளம்பரப்படுத்த விரும்பவில்லை. இயற்கை தான் சரியானது” என்றார்.
பிரேமம் படத்தில் அவரது தோற்றம் முதல் அவரது சமீபத்திய படமான ஷியாம் சிங்க ராய் தோற்றம் வரை , சாய் பல்லவி ஸ்டைலிங் செய்யப்பட்ட முடியுடன் அரிதாகவே காணப்படுகிறார். மேக்கப் இல்லாத தோற்றம் மற்றும் ஸ்டைல் செய்யப்படாத கூந்தலுடன், நடிகை சினிமா துறையில் வழக்கமான அழகுத் தரங்களுக்கு எதிராக ஒரு ஈடுபடுவது முதல் முறையாகும், இதன் விளைவாக அவர் பார்வையாளர்களால் மிகவும் நெருக்கமாக தங்கள் வீடு பெண் போல் காணப்படுகிறார்.
இவர் தமிழில் கடைசியாக நடித்த கார்கி படம் பொதுவான விமர்சனங்களை பெற்றது. இவர் தற்போது சிவகார்த்திகேயனின் 21 ஆவது படத்தில் நடித்து வருகிறார்.
இந்த நிலையில் சாய் பல்லவி இன்று தனது 30 ஆவது பிறந்தநாளை கொண்டாடுகிறார். அவருக்கு சினிமா பிரபலங்கள், ரசிகர்கள், நண்பர்கள் என்று பலரும் வாழ்த்து தெரிவித்து வருகின்றனர்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்