RIP Captain Vijayakanth: விஜயகாந்த் மறைவு.. தியேட்டர்களில் காலை காட்சி ரத்து
Dec 28, 2023, 10:07 AM IST
Share
RIP Captain: நடிகர் விஜயகாந்த் மறைவுக்கு இரங்கல் தெரிவிக்கும் விதமாக தியேட்டர்களில் இன்று காலை காட்சிகள் ரத்து செய்யப்பட்டு உள்ளது.
Captain Vijayakanth Passed Away: கொரோனா தொற்று உறுதி செய்யப்பட்டு சென்னையில் உள்ள தனியாா் மருத்துவமனையில் சிகிச்சை பெற்று வந்த தேமுதிக தலைவரும், நடிகருமான விஜயகாந்த், சிகிச்சை பலனின்றி இன்று ( டிச 28) காலமானார். அவருக்கு வயது 71.
விஜயகாந்த் மறைவிற்கு அரசியல் கட்சித் தலைவர்கள், திரை பிரபலங்கள், கட்சித் தொண்டர்கள், பொதுமக்கள் என பலர் கண்ணீர் மல்க இரங்கல் தெரிவித்து வருகின்றனர். மறைந்த விஜயகாந்தின் உடல் சாலிகிராமத்தில் உள்ள அவரது இல்லத்தில் அஞ்சலிக்காக வைக்கப்பட்டு உள்ளது.
அவரது மறைவு தொடர்பாக மியாட் மருத்துவமனை வெளியிட்ட அறிக்கையில், “நிமோனியா (நுரையீரல் அழற்சி) காரணமாக அனுமதிக்கப்பட்டு வெண்டிலேட்டர் உதவியுடன் சிகிச்சை பெற்றுவந்த விஜயகாந்துக்கு மருத்துவப் பணியாளர்களின் கடின முயற்சி இருந்தபோதிலும் காலமானார்” என்று தெரிவிக்கப்பட்டுள்ளது.
இந்த நிலையில், விஜயகாந்த் மறைவையொட்டி தமிழகம் முழுவதுமுள்ள திரையரங்குகளில் காலை காட்சி ரத்து செய்யப்படுவதாக தமிழ்நாடு திரையரங்க உரிமையாளர்கள் சங்கத்தின் முன்னாள் தலைவர் திருப்பூர் சுப்பிரமணியம் தெரிவித்துள்ளார்.
இதுதொடர்பாக தனியார் சேனலிடம் பேசிய திருப்பூர் சுப்பிரமணியம் , ‘விஜயகாந்த் மறைவுக்கு திரைப்பட விநியோகஸ்தகர் சங்கத்தின் சார்பாக ஆழ்ந்த இரங்கலை தெரிவித்துக் கொள்கிறேன்.
அவரின் ஆன்மா சாந்தியடைய இறைவனை பிரார்த்திப்போம். விஜயகாந்த் மறைவுக்கு அஞ்சலி செலுத்தும் விதமாக தமிழ்நாடு முழுவதும் இன்று தியேட்டர்களில் காலை காட்சி ரத்து செய்யப்படுகிறது’ என தெரிவித்து உள்ளார்.
முன்னதாக இன்று காலையில் இருந்தே மியாட் மருத்துவமனையில் தேமுதிக தொண்டர்கள் குவியத் தொடங்கினர். இதனால் மருத்துவமனை வளாகத்தில் போலீஸார் குவிக்கப்பட்டனர்.
அதேபோல் சென்னை சாலிகிராமத்தில் உள்ள விஜயகாந்தின் வீட்டின் முன்பும் ஏராளமான தேமுதிக முக்கிய நிர்வாகிகள், தொண்டர்கள் திரண்டனர். அவரது மறைவுச் செய்தி வெளியான சில நிமிடங்களிலேயே ஏராளமானோர் குவிந்துவிட்டனர். இதையடுத்து போலீஸ் பாதுகாப்பு தீவிரப்படுத்தப்பட்டுள்ளது.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.