Revathi: சீண்டி விட்ட பாரதிராஜா.. ரேவதி கன்னத்தில் பளார் அறை கொடுத்த பாண்டியன்!
Nov 23, 2023, 02:36 PM IST
Share
மண்வாசனை படப்பிடிப்பில் நடந்த அனுபவம் பற்றி ரேவதி பேட்டி அளித்து உள்ளார்.
தமிழ் சினிமாவில் அக்காலக்கட்டத்தில் மண்வாசனை மிக்க படங்கள் எடுப்பவர்களில் ஒருவர் பாரதிராஜா. பேச்சில் இருந்து இடங்கள் வரை அனைத்தும் நம்மை கிராமத்திற்கே அழைத்து செல்லும்.
பாரதிராஜா தான் ராதிகா, ரேவதி, ராதா, ரேகா உள்ளிட்ட நடிகைகளை தமிழ் சினிமாவிற்கு கொண்டு வந்தார். தான் நினைத்த காட்சி அப்படியே படத்தில் வர வேண்டும் என்பதில் இவர் கடுமையாக இருப்பாராம்.
தான் நினைத்தது வர வில்லை என்றால் அவர்களை அடித்து கூட அந்த நடிப்பை வாங்கிவிடுவாராம். இதை பேட்டியிலே பல நடிகைகள் ஓபனாக சொல்லி இருக்கிறார்கள்.
அந்த வகையில் பாரதிராஜாவின் மண்வாசனை திரைப்படம் மூலம் சினிமாவிற்கு அழைத்து வரபட்டவர் தான் நடிகை ரேவதி. முதல் படமே அவருக்கு வெற்றிப் படமாக அமைந்தது. அதற்கு முழு காரணம் பாரதிராஜா தான்.
ஏனென்றால் அந்த அளவிற்கு அவரை சிறப்பாக நடிக்க வைத்திருப்பார்.
இது தொடர்பாக Touring Talkies யூடியூப் சேனலுக்கு பேட்டி அளித்த ரேவதி, “ எல்லாரும் பாராதிராஜாவிடம் அடி வாங்குவதற்கு முன்பே நான் அப்படத்தின் நடிகர் பாண்டியனிடம் அறை வாங்கினேன்.
ஒரு காட்சியில் அவர் என்னை அறைய வேண்டும். என்னை போல் அவருக்கும் இது தான் முதல் படம், ஒரு பெண்ணை அறைவது போல் காட்சி என்பதால் அவருக்கு எப்படி அறைவது என தெரியவில்லை. அவர் அறைவதற்கு பதிலாக என் கன்னத்தை தொட மட்டுமே செய்தார். பாரதிராஜா என்னை அடிக்க சொல்லி கொண்டே இருந்தார்.
பாண்டியனும் அவரால் முடிந்தவரை என்னை அறைந்து கொண்டே இருந்தார். ஆனால் பாரதிராஜாவுக்கு அது திருப்தி கொடுக்கவில்லை.
கோபத்தில் பாண்டியனை பளார் என ஒரு அறைவிட்டார். அந்த கோபத்தில் வந்து என்னை பாண்டியன் ஓங்கி ஒரு அறைவிட்டார். சத்தம் கொய்ங் என வந்தது. எனக்கு வேறு எந்த சத்தமும் கேட்கவில்லை. அவர் 4 விரல்கள் என் கன்னத்தில் பதிந்து போனது. இந்த சீன் தான் எனக்கு பெரிய சவாலாக இருந்தது ’ என அந்த பேட்டியில் ரேவதி கூறியிருந்தார்.
1983 ஆம் ஆண்டு ஜூலை மாதம் 29 ஆம் தேதி வெளியானது மண்வாசனை படம். மிகப்பெரிய ஹிட்டாகி பேசும் பொருளாக இந்த படம் மாறியது. இன்று வரை இப்படத்திற்கு தனி ரசிகர்கள் பட்டாளம் இருக்கிறது.
நன்றி: Touring Talkies
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்