Ranjithame song: ஹிட் அடிக்கும் ரஞ்சிதமே பாடல்

நடிகர் விஜய் நடிப்பில் இயக்குநர் வம்சி பைடிபள்ளி இயக்கத்தில் உருவாகியுள்ள படம் வாரிசு. இதில் கதாநாயகியாக நடிகை ரஷ்மிகா மந்தனா நடித்துள்ளார். 

இவர்களுடன் பிரகாஷ் ராஜ், ஜெயசுதா, பிரபு, சரத்குமார், ஸ்ரீகாந்த், சாம், யோகிபாபு, சங்கீதா, சம்யுக்தா ஆகியோர் முக்கிய வேடங்களில் நடிக்கின்றனர். 

வம்சி பைடிப்பள்ளி இயக்கும் இந்தப் படத்துக்கு தமன் இசையமைக்கிறார். படத்தொகுப்புப் பொறுப்பை பிரவீன் கே.எல் ஏற்றுள்ள நிலையில், ஒளிப்பதிவாளராக கார்த்திக் பழனி பணியாற்றுகிறார்.

இந்நிலையில் வாரிசு படத்தின் முதல் சிங்கிளான ரஞ்சிதமே பாடல் கடந்த சில வாரங்கள் முன்பு வெளியானது. விஜய் குரலில் வெளியான அப்பாடலை விவேக் எழுதி உள்ளார்.

இதனிடையே ரஞ்சிதமே பாடல் தற்போது வரை யூ-ட்யூபில் 75 மில்லியன் பார்வைகளைக் கடந்துள்ளது சாதனை படைத்துள்ளது.

இப்படம்  பொங்கல் பண்டிகையை முன்னிட்டு ஜனவரி 12 ஆம் தேதி வெளியாகவுள்ளது. இந்த படத்தை தமிழ், தெலுங்களில் மொழிகளில் வெளியிட தயாரிப்பாளர் தில் ராஜு தயாராகி வருகிறார். அடுத்த மாதம் முழுவதும் வாரிசு பட அப்டேட்கள் வெளியாகும் என எதிர்பார்க்கப்படுகிறது.