ரஜினியுடன் இணையும் அடுத்த இயக்குநர் யார் தெரியுமா? 33 வருடம் கழித்து மீண்டுமா? தலைவர் பிறந்தநாளில் ட்ரீட் உறுதி!

தமிழ் சினிமாவின் சூப்பர் ஸ்டார் ரஜினிகாந்த் நடிப்பில் வரும் அக்டோபர் 10 அன்று வேட்டையன் திரைப்படம் வெளியாக உள்ளது. அதனைத் தொடர்ந்து லோகேஷ் கனகராஜ் இயக்கத்தில் கூலி படத்தில் ரஜினி நடித்து வருகிறார். இந்நிலையில் கூலி படத்திற்கு பின் ரஜினிகாந்த் இயக்குநர் மணிரத்னம் இயக்கத்தில் அடுத்த படம் நடிக்க இருப்பதாக தகவல் வெளியாகி உள்ளது. தளபதி படத்திற்கு பின் இவர்கள் இருவரும் கூட்டணி இதுதான். மேலும் இப்படத்திற்கான அறிவிப்பு ராஜினிகாந்தின் பிறந்தநாளான டிசம்பர் 12 அன்று வெளியாகும் என எதிர்பார்க்கப்பட்டுள்ளது. 

அடுத்தடுத்த அப்டேட் கொடுக்கும் ரஜினிகாந்த்

நடிகர் ரஜினிகாந்த் சில தினங்களுக்கு முன் உடல்நிலைக் குறைவால் மருத்துவமனையில் அனுமதிக்கப்பட்டிருந்தார். பின் சிகிச்சைக்கு பின் நலம் பெற்று வீடு திரும்பினார். இவரது உடல் நலக் குறைவால் நிறுத்தி வைக்கப்பட்டிருந்த கூலி படப்பிடிப்பு தொடங்கியுள்ளது. இந்த மாதம் வேட்டையன் படம் வெளியாக உள்ளது. மேலும் தற்போது வெளியாகி உள்ள மணிரத்னம் உடன் இணையும் செய்தி என ரஜினி அடுத்தடுத்து அப்டேட்களை கொடுத்து வருகிறார். இதனால் அவரது ரசிகர்கள் உற்சாகத்தில் உள்ளனர்.   

இயக்குநர் மணிரத்னம்

இயக்குநர் மணிரத்னம் ‘பகல் நிலவு’ என்ற படம் மூலம் தமிழில் முதன் முறையாக அறிமுகம் ஆனார். இப்படத்திற்கு இளையராஜா இசை அமைத்து இருந்தார். இப்படத்தை தொடர்ந்து மௌனராகம், நாயகன், அக்னி நட்சத்திரம் என பல ஹிட் படங்களை கொடுத்தார். அதனை அடுத்து 1991 ஆம் ஆண்டு தீபாவளி அன்று ரஜினிகாந்த் மற்றும் மம்மூட்டி ஆகிய இரு பெரும் நடிகர்களை வைத்து தளபதி படத்தை இயக்கினார். இப்படம் ரஜினிக்கும் மணிரத்னத்திற்கும் சிறந்த வெற்றி படமாக அமைந்தது.  மேலும் இயக்குநர் மணிரத்னம் இயக்கதில் உலக நாயகன் கமல் ஹாசன் நடிக்கும் தக்லைஃப் படத்தை இயக்கி வருகிறார். கமலும், மணிரத்னம் இருவரும் இணைந்த நாயகன் படமும் மிகப்பெரிய வெற்றி அடைந்தது குறிப்பிடத்தக்கது, 

ரஜினிகாந்த் பிறந்தநாள் 

கடந்த சில ஆண்டுகளாகவே ஹீரோக்களின் பிறந்தநாள் அன்று அவர்கள் நடித்த படம் குறித்தான அறிவிப்புகள், பாடல்கள், போஸ்டர்கள் என வெளியாவது வழக்கமாகி விட்டது. அந்த வரிசையில் வரும் டிசம்பர் 12 அன்று இந்த படம் குறித்தான அறிவிப்புகள் வெளியாகும் என எதிர்பார்க்கப்படுகிறது. 

ரஜினிகாந்த் மற்றும் மணிரத்னம் ரசிகர்களுக்கு இந்த செய்தி மகிழ்ச்சி அளிக்க கூடிய ஒன்றாகும். த.செ. ஞானவேல் இயக்கத்தில் வெளியாக உள்ள வேட்டையன் திரைப்படத்தில் ரஜினிகாந்த் உடன் மஞ்சு வாரியர், அமிதாப் பச்சன், ராணா டகுபதி, பகத் பாசில், அபிராமி, துஷாரா விஜயன், ரித்திகா சிங் உள்ளிட்ட பெரும் நட்சத்திர பட்டாளமே நடித்துள்ளது. இது ரசிகர் இடையே பெரும் வரவேற்பை பெற்றுள்ளது, 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.