Baba Re release: பாபா ரீ-ரிலீஸ்… டப்பிங் கொடுத்த ரஜினிகாந்த்

ரஜினிகாந்த் ஹீரோவாக நடித்து 2002 ஆம் ஆண்டு வெளியான திரைப்படம் பாபா. இதில் மனிஷா கொய்ராலா, கவுண்டமணி, விஜயகுமார் மற்றும் பலர் நடித்துள்ளனர்.

ரஜினிகாந்துக்கு சூப்பர்ஹிட் படங்களாக அமைந்த அண்ணாமலை, வீரா, பாட்ஷா ஆகியவற்றை இயக்கிய சுரேஷ் கிருஷ்ணா பாபா படத்தை இயக்கியிருந்தார். இந்த படத்தில் இடம்பெற்ற பாபா முத்திரை இன்றளவும் சமூக வலைதளங்களில் வலம் வருகிறது.

இந்தப் படத்தை 20 ஆண்டுகள் கழித்து நவீன தொழில்நுட்பத்துக்கு ஏற்றவாறு மாற்றியமைத்து ரீ-ரிலீஸ் செய்யவுள்ளனர். அதன்படி, படத்தில் ரீ-கலரிங் செய்யப்பட்டு, பாடல்கள் மற்றும் பின்னணி இசை டால்பி முறையில் சவுண்ட் மிக்ஸிங் செய்யப்படுகிறது.

படத்தை ரஜினிகாந்த பிறந்தநாளான டிசம்பர் 12 ஆம் தேதி ரிலீஸ் செய்ய திட்டமிட்டு இருப்பதாக கூறப்படுகிறது. 

இந்நிலையில் ரஜினிகாந்த் பாபா படத்திற்காக மீண்டும் டப்பிங் கொடுத்துள்ளார். ஸ்டூடியோவில் சோபாவில் அமர்ந்து அவர் டப்பிங் கொடுக்கும் புகைப்படங்கள் இணையத்தில் வெளியாகி உள்ளது. 

இத்துடன் வெளியான மற்றொரு புகைப்படத்தில் இயக்குநர் சுரேஷ் கிருஷ்ணா, எழுத்தாளர் எஸ்.ராமகிருஷ்ணன் உள்ளிட்டோர் இருந்தனர்.

ரஜினிகாந்த் அதே எனர்ஜியுடன் டப்பிங் கொடுப்பது ரசிகர்கள் மத்தியில் உற்சாகத்தை ஏற்படுத்தி உள்ளது.