Vikram Sugumaran: ‘ராவணக்கோட்டம்’ படத்திற்காக விக்ரம் சுகுமாறனுக்கு சிறந்த இயக்குநர் விருது! - முழு விபரம்!

மதயானைக்கூட்டம் திரைப்படத்தின் மூலமாக குறிப்பிட்ட சமுதாய மக்களின் வாழ்க்கையை திரையில் தத்ரூபமாக காண்பித்து கவனம் பெற்றவர் இயக்குநர் விக்ரம் சுகுமாறன். ஆனால் அந்தப்படத்தில் அவர் ஜாதியை தூக்கிப்பிடித்ததாக விமர்சனங்கள் எழவே, அதுவே அவரது திரைவாழ்க்கையில் கறையாக மாறி, அடுத்தப்படம் கிடைக்க பல வருடங்கள் ஆகிவிட்டன.

அதனைத்தொடர்ந்து பல்வேறு கட்ட பிரச்சினைகளுக்கு பிறகு இவரது இயக்கத்தில் கடந்த மே 12 ஆம் தேதி வெளியான திரைப்படம் ‘இராவணக்கோட்டம்’. சாந்தனு பாக்யராஜ் கதாநாயகனாக நடித்த இந்தப்படத்தில் ‘கயல்’ ஆனந்தி ஜோடியாக நடித்திருந்தார். இந்தப்படம் மக்களிடம் கலவையான விமர்சனங்களை பெற்றது.

இந்த நிலையில் அமெரிக்காவில் சிகோகா மாநகரில் நடைபெற்ற ‘கிரவுன் பாய்ண்ட் பன்னாட்டு திரைப்பட விழாவில்’ இராவண கோட்டம் திரைப்படத்தின் இயக்குநர் விக்ரம் சுகுமாரன்  ‘சிறந்த இயக்குநர்’ விருது கிடைத்துள்ளது.