Sivakarthikeyan Prince movie release: தீபாவளி ரேஸில் இணைந்த சிவகார்த்திகேயன்

சிவகார்த்திகேயன் நடித்துள்ள பிரின்ஸ் படத்தின் வெளியீட்டு தேதியை தயாரிப்பாளர்கள் இறுதி செய்துள்ளனர். இந்த படம் தீபாவளியை முன்னிட்டு வெளியாகும் என படக்குழு ஏற்கனவே அறிவித்து இருந்தது. 

இந்நிலையில் தற்போது பிரின்ஸ் பட ரிலீஸ் தேதியை படக்குழு அறிவித்துள்ளது. அதன்படி படம் வரும் 21 ஆம் தேதி வெளியாகவுள்ளது. இந்த செய்தி சிவகார்த்திகேயன் ரசிகர்கள் மத்தியில் மிகவும் மகிழ்ச்சியை ஏற்படுத்தி உள்ளது. 

 ஜாதி ரத்னாலு புகழ் கே.வி. அனுதீப் இயக்கத்தில் காமெடி படமாக உருவாகி இருக்கும் படம் பிரின்ஸ். 

தமிழ் மற்றும் தெலுங்கில் என படம் ஒரே நேரத்தில் தயாராகிறது. சிவகார்த்திகேயன் நடிக்கும் முதல் இருமொழி படம் இதுவாகும். சிவகார்த்திகேயனுக்கு ஜோடியாக மரியா ரியாபோஷபகா நடித்துள்ளார்.

உக்ரைனை சேர்ந்த மரியா இந்தியில் ஸ்பெஷல் ஆப்ஸ் என்ற தொடரில் நடித்துள்ளார். இவர் பிரின்ஸ் படத்தின் நடித்ததன் மூலம் தமிழில் அறிமுகமாகிறார். 

இந்தப் படத்துக்கு தமன் இசையமைக்கிறார். இந்த வருடம் சிவகார்த்திகேயன் நடித்த டான் திரைப்படம் பிளாக் பஸ்டர் ஹிட்டானது. 

டான் படத்தின் வெற்றிக்கு பிறகு சிவகார்த்திகேயன் ஹீரோவாக நடிக்கும் பிரின்ஸ் படத்திற்கு பெரும் எதிர்பார்ப்பு நிலவியது.