சினிமாவில் என்ட்ரி கொடுக்கும் ராமதாஸ் வீட்டு வாரிசு! இந்த இயக்குனர் படத்திலா?

பாட்டாளி மக்கள் கட்சியின் நிறுவனர் ராமதாஸ், தமிழக அரசியலில் மிகவும் முக்கியமான தலைவர் ஆவார். இவரது மகன் அன்புமணி ராமதாசும் அரசியலில் பணியாற்றி வருகிறார். தற்போது ராஜ்ய சபா எம்பியாகவும் பதவி வகித்துய வருகிறார். மேலும் பாட்டாளி மக்கள் கட்சியின் தலைவராகவும் உள்ளார். தொடர்ந்து அரசியலில் ஈடுபட்டு வரும் அன்புமணி ஒரு மருத்துவர் ஆவார். தருமபுரி, கள்ளக்குறிச்சி போன்ற பகுதிகளில் பாமக கட்சி ஒரு வலிமை மிகு கட்சியாக இருந்து வருகிறது. 

தேர்தலில் பிரச்சாரம் 

அன்புமணி ராமதாஸுக்கு சங்கமித்ரா, சம்யுக்தா, சஞ்சுத்ரா என மூன்று மகள்கள் இருக்கிறார்கள். அன்புமணி ராமதாசின் மகள்கள்  சங்கமித்ரா அவரது அம்மா சௌமியாவிற்கு ஆதரவாக வாக்கு சேகரிக்க பிரச்சாரத்தில் ஈடுபட்டார். மேலும் இவரது பிரச்சார வீடியோ சமூக வலைதளங்களில் வைரலாக பரவியது. இவரது அம்மா அந்த தொகுதியில் வெற்றி பெறாவிட்டாலும் இவரது பிரச்சார பேச்சுக்களால் அதிகம் கவனிக்கபட்டார். இந்நிலையில் தற்போது தமிழ் சினிமாவில் தயாரிப்பாளராக அறிமுகமாகி உள்ளார்.  

அலங்கு படத்தின் தயாரிப்பாளர் 

இயக்குனர் எஸ்.பி. சக்திவேல் இயக்கத்தில் அலங்கு என்ற படத்தின் தயாரிப்பாளாராக சங்கமித்ரா பணியாற்றியுள்ளார். மேலும் இந்த படத்தின் இயக்குனர் இதற்கு முன் உறுமீன், பயணிகள் கவனிக்கவும் போன்ற படங்களை இயக்கியுள்ளார் என்பது குறிப்பிடத்தக்கது.   சங்கமித்ரா தயாரிக்கும் முதல் திரைப்படம் இதுவாகும். 

புலம்பெயர்ந்து தொழில் செய்யும் பழங்குடியினரின் வாழ்க்கையை பதிவு செய்யும் கதையாக இந்தப் படம் உருவாகியுள்ளது.   தமிழ்நாடு மற்றும்  கேரள எல்லைப்பகுதிகளில் நடந்த உண்மை சம்பவத்தை அடிப்படையாகக் கொண்டு ஆக்சன் - த்ரில்லர் படமாக வந்துள்ளது. கேரளாவை சேர்ந்த அரசியல்வாதி குழுவினருக்கும், தமிழ்நாட்டைக் சேர்ந்த பழங்குடி இனத்தை சேர்ந்த இளைஞர் குழுவினருக்கும் இடையே நடக்கும் சண்டை மற்றும் நிகழ்வுகள் தொடர்பாக இந்த திரைப்படத்தின் கரு உருவாக்கப்பட்டுள்ளது. மேலும் இது முழுக்க உண்மையான நடந்த சம்பவங்களை படத்தின் காட்சிகளாக எடுக்கப்பட்டுள்ளதாகவும் தெரிய வந்துள்ளது, 

இத்திரைப்படத்தின்  கதாநாயகனாக குணாநிதி என்பவர் நடிக்கிறார். மேலும் இத்திரைப்படத்தில் கோலி சோடா 2 மூலம் தமிழ் சினிமாவிற்கு அறிமுகமான மலையாள நடிகர் செம்பன் வினோத் ஜோஸ் முக்கிய கதாபாத்திரத்தில் நடித்திருக்கிறார். மேலும் சரத் அப்பானி உட்பட பலரும்  நடித்துள்ளனர். இவர்களுடன் நாய் ஒன்றும் முக்கிய கதாபாத்திரத்தில் நடித்துள்ளது.

படத்தின் மையக்கரு 

அலங்கு, என்பது தமிழ் மக்களின் மூத்த பழங்குடியின் முதல் நாட்டு நாய் இனத்தைச் சேர்ந்தது எனக் கூறப்படுகிறது. ராஜராஜ சோழனின் படையில் இந்த வகை நாய் போர்நாயாக இருந்ததாகவும் வரலாற்று சான்றுகளும் ஆய்வாளர்களும் கூறுகின்றனர். ஆனால் காலப் போக்கில் அந்த இனம் அழிந்து போனதாகவும் மருவி வேறு இனப் பெயர்களில் வருவதாகவும் செய்திகள் கூறுகின்றன. இக்கதையின் அடிப்படை தன்மைக்கும் நினைவூட்டலுக்கும் இந்தப் பெயர் மிகவும் பொருந்தியிருப்பதால் இத்திரைப்படத்துக்கு அலங்கு என்று பெயர் வைக்கப்பட்டுள்ளது.

அரசியலில் வாரிசுகள் வருவதும், திரைத்துரையில் வாரிசுகள் வருவதும் வழக்கமாகி விட்டது. இந்த படம் மூலம் திரைத்துறைக்கு அறிமுகமாகும் சங்கமித்ரா தொடர்ந்து படங்களை இயக்க இருப்பதாகவும் தகவல் வெளியாகி உள்ளது. மேலும் இதற்கு அவரது குடும்பத்தினர் மிகவும் உறுதுணையாக இருந்ததாக கூறப்படுகிறது.