என்னது நடிகர் விஜய் அடுத்த 3 ஆண்டுகளுக்கு திரைப்படங்களில் நடிக்க மாட்டாரா?

நடிகர் விஜய் அடுத்த மூன்று ஆண்டுகளுக்கு திரைப்படங்களில் நடிக்க மாட்டார்  என்ற பரபரப்பு தகவல் வெளியாகி உள்ளது. 

நடிகர் விஜய் நடிப்பில் லியோ திரைப்படம் உருவாகி உள்ளது. இதில் ஃபர்ஸ்ட் லுக் போஸ்டரில் ஆக்ரோஷமாக நின்ற விஜய்யின் பின்னால் நின்ற ஓநாய் நின்று கொண்டிருந்தது அனைவரின் கவனத்தையும் வெகுவாக ஈர்த்தது. முன்னதாக இந்தப்படத்தில் விஜயுடன் சிங்கம் ஒன்று நடிப்பதாகவும், அதன் கிராஃபிக்ஸ் பணிகளுக்காக பெருந்தொகை செலவழிக்கப்பட்டு இருப்பதாகவும் தகவல் வெளியானது.

நடிகர் விஜய் நடிப்பில் இயக்குநர் லோகேஷ் கனகராஜ் இயக்கத்தில் உருவாகி வரும் திரைப்படம் ‘லியோ’. இந்தப்படத்தில் விஜய்க்கு ஜோடியாக நடிகை த்ரிஷா நடிக்கிறார். கிட்டத்தட்ட 14 வருடங்களுக்குப் பிறகு இந்த ஜோடி மீண்டும் இந்தப்படத்தில் இணைந்திருக்கிறது.

இவர்களுடன் இயக்குநர்கள் கெளதம் மேனன், மிஷ்கின், நடிகர் அர்ஜூன், நடிகர் சஞ்சய் தத், நடன இயக்குநர் சாண்டி உள்ளிட்ட பலர் நடித்துள்ளனர்.

அனிருத் இசையமைக்கும் இந்தப்படத்திற்கு முன்னதாக விஜயின் ‘பீஸ்ட்’ படத்திற்கு ஒளிப்பதிவு செய்த மனோஜ் பரமஹம்சா ஒளிப்பதிவு செய்கிறார். அண்மையில் இந்தப்படத்தில் கிறிஸ்டோபர் நோலன் படத்தில் நடித்த நடிகர் டென்சில் ஸ்மித் இணைந்ததாகவும் கூறப்பட்டது.

இதற்கிடையில் நடிகர் விஜய் கடந்த கல்வியாண்டில் தொகுதி வாரியாக முதல் 3 இடங்களை பிடித்த மாணவ மாணவிகளுக்கு உதவித் தொகை வழங்கும் நிகழ்ச்சியில் கலந்து கொண்டார். இதற்கான ஏற்பாடுகளை விஜய் மக்கள் இயக்கத்தினர் முன்னெடுத்தனர். இது விஜய் அரசியலுக்கு வருவதற்கான நடவடிக்கையில் ஒன்று என்று பல்வேறு தரப்பினரும் தெரிவித்து வந்தனர். 

இந்நிலையில் நடிகர் விஜய் அடுத்த 3 ஆண்டுகளுக்கு திரைப்படங்களில் நடிக்க மாட்டார் என்ற தகவல் வெளியாகி உள்ளது. இது விஜய் அரசியலுக்கு வருவார் என்ற அவரது ரசிகர்களின் நம்பிக்கைக்கு மேலும் உரமூட்டுவதாக உள்ளது குறிப்பிடத்தக்கது. 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.