மிஸ்டர் ஹவுஸ்கீப்பிங் டீஸர் வெளியீடு! பிக்பாஸ் லாஸ்லியாவுடன் இணையும் யூட்யூப் பிரபலம்!

விஜய் டிவியில் ஒளிபரப்பாகும் பிக்பாஸ் நிகழ்ச்சியில் கலந்து கொள்ளும் போட்டியாளர்கள் பலர் திரைத்துறையில் பல படங்களில் நடித்து வருகின்றனர். இந்த நிகழ்ச்சியில் மார்க்கெட் போன பழைய நடிகர்களும் கலந்து கொள்வதுண்டு. கடந்த  ஏழு சீசன்களாக இதில் பங்கேற்ற ஹரீஷ் கல்யாண், கவின், ஆரி போன்றவர்கள் வெள்ளித்திரையிலும், சின்னத்திரையிலும் வெற்றிகாரமான இடங்களில் இருந்து வருகின்றனர். அதில் முக்கியாக குறிப்பிடப்பட வேண்டியவர் பிக்பாஸ் சீசன் 3 இல் கலந்துக் கொண்ட லாஸ்லியா மரியநேசன். இவர் சமீபத்தில் யூட்யூப் பிரபலம் ஹரி பாஸ்கருடன் இணைந்து மிஸ்டர் ஹவுஸ்கீப்பிங் என்ற படத்தில் நடித்துள்ளார். 

இலங்கையை சேர்ந்தவர். 

பிக்பாஸ் சீசன் 3 மூலம் தமிழ்நாட்டு மக்களுக்கு பரீட்சையமானவர் லாஸ்லியா. இவர் இலங்கையில் ஒரு தனியார் செய்தி தொலைகாட்சியில் செய்தி வாசிப்பாளாராக பணியாற்றி வந்தார். இதனைத் தொடர்ந்து பிகபாஷ் நிகழ்ச்சியில் கலந்து கொண்டார். இவரது குறும்பு பேச்சுக்கும், குழந்தை தனத்துக்கும் நெட்டிசன்களால் அதிகம் விரும்பபட்டார். மேலும் இந்த சீசனில் பங்கேற்ற சக போட்டியாளரான கவின் உடன் காதல் இருப்பதாக கிசுகிசுக்கப்பட்டார். 

இந்த நிகழ்ச்சியின் இறுதி நாட்களில் குடும்பத்தார் வரும் எபிசோட்டில் இவரது தந்தை வந்து இவரை கடுமையாக கண்டித்தார். கவின் உடனான பழக்க வழக்கத்தை மிகவும் கண்டித்து பேசினார். இந்நிகழ்ச்சியை அடுத்து சில மாதங்களில் இவரது தந்தை காலமானார். 

படங்களில் ஹீரோயின் 

இதனை அடுத்து லாஸ்லியா 2021 ஆம் ஆண்டு மலையாள படமான குயீன் படத்தின் ரீமேக் ஆன ஃபிரண்ட்ஷிப் படத்தில் நடித்து இருந்தார். இதில் கிரிக்கெட் வீரர் ஹர்பஜன் சிங் மற்றும் நடிகர் சதீஷ் உடன் நடித்து இருந்தார். பின்னர் 2022 ஆம் ஆண்டு பிக்பாஸ் தர்ஷன் உடன் சேர்ந்து கூகுள் குட்டப்பா படத்தில் ஹீரோயின் ஆக நடித்து இருந்தார். 

  ஹவுஸ்கீப்பிங்

தற்போது யுட்யூப் பிரபலம் நடிகர் ஹரி பாசகருடன் இணைந்து ஹவுஸ்கீப்பிங் எனும் படத்தில் நடித்துள்ளார். ஹரி பாஸ்கர் தொடர்ந்து பல காமெடி வீடியோக்களில் நடித்து வந்தவர். ஒரு சில யுட்யூப் தொடரிலும் நடித்துள்ளார்.   இந்த படத்திற்கான டீஸர் இன்று வெளியிடப்பட்டுள்ளது. இப்படத்தினை இயக்குநர் அருண் ரவிச்சந்திரன் இயக்குகிறார். தேனாண்டாள் பிலிம்ஸ் நிறுவனம் இப்படத்தினை தயாரிக்கிறது. இப்படத்திற்கு ஓஷோ வெங்கட் என்பவர் இசையமைத்துள்ளார். முழுவதும் காமெடி கலந்த படமாக இப்படம் உருவாகியுள்ளது. டீஸர் முழுவதும் ஐடி கம்பெனியில் வேலை செய்யும் மாடர்ன் பொண்ணாக லாஸ்லியாவும், மிடில் கிளாஸ் பையனாக ஹரியும் நடித்து உள்ளனர். இப்படத்தில் இவர்களுடன் நடிகர் இளவரசு, நடிகர் ஷாரா ஆகியோர் நடித்துள்ளனர்.  

நகைச்சுவை படமாக தயார் ஆகியுள்ள இப்படம் அடுத்த மாதம் வெளியாகும் என எதிர்பார்க்கப்படுகிறது. மேலும் இந்த டீஸர் வெளியாகி சில மணி நேரங்களில் லட்சக்கணக்கான பாரவையாளர்களை நெருங்கி கொண்டிருக்கிறது. கடந்த சில ஆண்டுகளாக முழுக்க உடல் எடையைக் குறைத்து லாஸ்லியா புதுவிதமான லுக்கில் இருந்து வருகிறார். சமீபமாக இவர இன்ஸ்டா பக்கத்தில் பகிர்ந்து வரும் போட்டோக்கள் பலரால் விரும்பபட்டு வருகிறது. இன்ஸ்டாவில் பிரபலமாகி உள்ள லாஸ்லியாவிற்கு லட்சக்கணக்கான ஃபாலோயர்கள் உள்ளனர்.