Lubber Pandhu: பறக்கும் சிக்ஸர்.. சொல்லி அடிக்கும் லப்பர் பந்து - 6 நாட்களில் வசூல் என்ன பாருங்க?

தமிழ் சினிமாவில் கிரிக்கெட்டை மையமாக வைத்து பல படங்கள் வெளியாகி உள்ளது. ஆனல் அவை அனைத்தும் வெற்றி பெற்றதா? என கேள்வி எழுப்பினால், பதில் சொல்வது சந்தேகம் தான். அதே போல் ஒரு சில கிரிக்கெட் படங்கள் எந்த எதிர்பார்ப்பும் இல்லாமல் ரிலீஸாகி ஹிட்டான வரலாறும் இருக்கிறது. அந்த வகையில் பெரிய எதிர்பார்ப்பு எதுவும் இல்லாமல் வெளியான சமீபத்திய ரிலீஸ் லப்பர் பந்து.

முதலில் இப்படத்திற்கு தமிழ்நாட்டில் 200 திரையரங்குகள் மட்டுமே ஒதுக்கப்பட்டு இருந்தது. ஆனால் ரசிகர்களிடம் கிடைக்கும் வரவேற்பால் படிபடியாக உயர்ந்து 300 திரையரங்குகளில் தற்போது ஒடிக் கொண்டு இருக்கிறது.

பாக்ஸ் ஆபீஸ் வசூல்

இந்நிலையில் லப்பர் பந்து படத்திற்கு கிடைத்த வரவேற்பு காரணமாக பாக்ஸ் ஆபீஸில் நல்ல வசூல் கிடைத்து வருகிறது. முதல் நாள் 75 லட்சம் ரூபாய் முதல் 85 லட்சம் ரூபாய் வரை மட்டுமே வசூல் செய்யப்பட்டது.

இரண்டாம் நாள் வசூல்: ரூ. 1. 35 கோடியில் இருந்து ரூ.1. 75 கோடி வரை வசூல்.

மொத்தமாக 6 நாட்களில் உலகளவில் லப்பர் பந்து திரைப்படம் ரூ. 9. 5 கோடி வரை வசூல் செய்து உள்ளது.

இப்படத்தை மறைந்த நடிகரும் அரசியல்வாதியுமான விஜயகாந்துக்கு அர்ப்பணித்திருக்கிறார் இயக்குநர் தமிழரசன் பச்சமுத்து.

தொழில்நுட்ப ரீதியாக, தினேஷ் புருஷோத்தமன் ஒளிப்பதிவாளராக பணியாற்றுகிறார், ஜி.மதன் படத்தொகுப்பைக் கவனிக்கிறார். இசை மற்றும் பின்னணி இசையை சீன் ரோல்டன் வடிவமைத்துள்ளார். பிரின்ஸ் பிக்சர்ஸ் பேனரில் எஸ்.லக்ஷ்மண் குமார் மற்றும் ஏ.வெங்கடேஷ் தயாரித்துள்ள உள்ளனர்.

கதை இது தான்

கிரிக்கெட்டை விரும்பும் இரு ஆண்களுக்கு இடையே நடக்கும் மோதலை உள்ளடக்கிய வழக்கமான விளையாட்டு நாடகமாக இப்படம் தொடங்குகிறது. பூமாலை அக்கா கெத்து (அட்டகத்தி தினேஷ்) ஒரு கடினமான பேட்ஸ்மேன் மற்றும் உள்ளூர் ஜாம்பவான் என்றாலும், அன்பு (ஹரிஷ் கல்யாண்) ஒரு வல்லமைமிக்க பந்துவீச்சாளர், அவர் தனது பெயரை உருவாக்கத் தொடங்குகிறார்.

சாதிகளை கடந்து வெற்றி

இந்த இரண்டு கதாபாத்திரங்களையும் நாம் முதலில் சந்திக்கும் போது, ​​கெத்து ஒரு திருமணமான இளைஞன், அவர் தனது மனைவி அசோதாயின் (ஸ்வாசிகா) கோபத்தை சம்பாதிப்பதில்லை. ஆனால் அவரது பொறுப்பற்ற தன்மையால் விரக்தியடைகிறார். அன்பு ஒரு பள்ளி மாணவன், உள்ளூர் கிரிக்கெட் அணியான ஜாலி பிரண்ட்ஸ் அணிக்காக விளையாடப் போகிறான், ஆனால் அந்த அணியின் ஆதிக்க சாதி வீரர்களால் பந்துவீச வாய்ப்பு வழங்கப்படவில்லை. அவர் எப்படி சாதிகளை கடந்து வெற்றி அடைவார் என்பதே கதையாகும்.

படத்தை கிரிக்கெட் வீரர் அஸ்வின் பாராட்டி உள்ளார். “ திரைப்படம் தயாரிப்பது ஒரு தீவிரமான வணிகமாகும், அது மிகவும் கடின உழைப்பையும் படைப்பாற்றலையும் உள்ளடக்கியது, எனவே நான் எந்தத் திரைப்படத்திலும் உள்ள நேர்மறையானவற்றைப் பார்க்கிறேன் மற்றும் எதிர்மறைகளைப் பற்றி மிகக் குறைவாகவே பேசுகிறேன். 

பல ஆண்டுகளுக்குப் பிறகு நான் ஒரு திரைப்படத்தை ரசித்தேன் என்பதை இன்று என்னால் பார்க்க முடிந்தது. ஒரு திரைப்படத்தை எவ்வளவு நம்பகத்தன்மையுடன் உருவாக்க முடியும் என்பதற்கான பாடமாகும் “ என்றார்.