Thalaivar 171: “மிகுந்த ஆர்வமாக உள்ளேன்..!” தலைவர் 171 படம் லேட்டஸ்ட் அப்டேட் பகிர்ந்த லோகேஷ் கனகராஜ்

சூப்பர்ஸ்டார் ரஜினிகாந்த் - லோகேஷ் கனகராஜ் படம் மீதான எதிர்பார்ப்பு எகிறி இருக்கும் நிலையில் மாஸ் எண்டர்டெயினராக இந்த படம் உருவாக இருப்பதாக தகவல்கள் வெளியாகின. Thalaivar 171 என்ற அழைக்கப்படும் இந்த படம் குறித்த லேட்டஸ்ட் அப்டேட்டை இயக்குநர் லோகேஷ் கனகராஜ் பகிர்ந்துள்ளார்.

சென்னையில் நடைபெற்ற காமிக் கான் விழாவுக்கு சென்றிருந்த லோகேஷ் கனகராஜ், பிரபல காமிக் புத்தகமான என்ட்வார்ஸ் வெளியீட்டு நிகழ்ச்சியில் பங்கேற்றார். அப்போது Thalaivar 171 படம் குறித்து அவரிடம் கேட்டபோது, " Thalaivar 171 படத்துக்கான திரைக்கதை எழுதும் பணிகள் முழு வீச்சில் நடைபெற்று வருகிறது, இன்னும் இரண்டு அல்லது மூன்று மாதங்களில் முன் தயாரிப்பு பணிகள் தொடங்கிவிடும்.

ரஜினிகாந்திடம் எப்போதும் போன் மூலம் தொடர்பில் இருந்து வருகிறேன். இந்த படத்தின் மீது மிகுந்த ஆர்வத்துடன் உள்ளேன். அடுத்த திட்டங்கள், பணிகளில் பிஸியாக இருப்பதால் சமீபத்தில் என்னை தொடர்பு கொண்டவர்களிடம் தொடர்பில் இருக்க முடியவில்லை."

இவ்வாறு அவர் கூறினார்

Thalaivar 171 படப்பிடிப்பு விரைவில் தொடங்கி 2025இல் மிக பிரமாண்டமாக திரைக்கும் வரும் என எதிர்பார்க்கப்படுகிறது. இந்த படத்தை சன் பிக்சர்ஸ் சார்பில் கலாநிதி மாறன் தயாரிக்கிறார். இந்த படத்தில் ராகவா லாரன்ஸ், சிவகார்த்திகேயன் ஆகியோரும் முக்கிய கதாபாத்திரத்தில் நடிப்பதாக தகவல்கள் உலாவுகின்றன.

ரஜினிகாந்த் தற்போது டிஜே ஞானவேல் இயக்கத்தில் வேட்டையன் படத்தில் நடித்து வருகிறார். இந்த படத்தில் பாலிவுட் மெகா ஸ்டார் அமிதாப் பச்சன், மலையாள சினிமா ஹீரோ ஃபகத் பாசில் ஆகியோர் முக்கிய கதாபாத்திரத்தில் நடித்து வருகிறார்கள், லைக்கா புரொடக்‌ஷன்ஸ் தயாரித்து வரும் இந்த படத்துக்கு அனிருத் இசையமைக்கிறார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9