Lokesh Kanagaraj: பேஸ்புக் பக்கத்தில் வெளியான டேஞ்சர் விடியோ! இயக்குநர் லோகேஷ் தரப்பில் விளக்கம்
Dec 13, 2023, 02:21 PM IST
Share
இயக்குநர் லோகேஷ் கனகராஜ் பெயரில் இருக்கும் பேஸ்புக் பக்கத்தில் சில மோசமான விடியாக்கள் வெளியானது ரசிகர்களிடையே அதிர்ச்சியையும், குழப்பத்தையும் ஏற்படுத்தியது. அதற்கு இயக்குநர் லோகேஷ் தரப்பில் இருந்தே முறையான விளக்கம் அளிக்கப்பட்டுள்ளது.
பணிக்கு பாதுகாப்பு இல்லாத சில ஆபத்தான விடியோக்கள் இயக்குநர் லோகேஷ் கனகராஜ் பெயரில் இருந்து வரும் பேஸ்புக் பக்கத்தில் அடுத்தடுத்து தோன்றியுள்ளது. இது ரசிகர்கள் மத்தியில் அதிர்ச்சியையும், குழப்பத்தையும் ஏற்படுத்தியது. இதையடுத்து பலரும் லோகேஷ் கனகராஜ் பேஸ்புக் கணக்கு ஹேக் செய்யப்பட்டு விட்டதாக தெரிவித்தனர். இந்த தகவல் வைரலாகி, மீம்ஸ்களாகவும் பகிரப்பட்டன.
இதைத்தொடர்ந்து லோகேஷ் கனகராஜ் தரப்பிலிருந்து தற்போது இதற்கு விளக்கம் அளிக்கப்பட்டுள்ளது. இதுதொடர்பாக அவர் தனது எக்ஸ் பக்கத்தில், "அனைவருக்கும் வணக்கம். நான் டுவிட்டர், இன்ஸ்டாகிராமில் மட்டுமே இருக்கிறேன். அதை தவிர வேறெந்த சமூக வலைத்தள கணக்கும் வைத்துக்கொள்ளவில்லை. எனவே இதுபோன்ற போலி கணக்குகளை பின்தொடர்வதிலிருந்து எந்த தயக்கமும் இல்லாமல் விலகிக்கொள்ளுங்கள்" என்று குறிப்பிட்டுள்ளார்.
லோகேஷ் பதிவுக்கு முன் இந்த விவகாரம் hacked என ட்ரெண்டிங் ஆனது. அத்துடன் இயக்குநர் லோகேஷின் பெயரும் ட்ரெடிங்கில் இருந்து வந்தது. பாலிவுட் சூப்பர் ஸ்டார் ஷாருக்கானுக்கு கதை ஒன்றை இயக்குநர் லோகேஷ் கனகராஜ் கூறியதாகவும், விரைவில் அதுதொடர்பாக எதாவது அறிவிப்பு வெளியாகலாம் என சமூக வலைத்தளத்தில் நிவவி வரும் கார சார விவாதம் தான் லோகேஷ் பெயர் ட்ரெண்ட் ஆவதற்கு காரணமாக இருப்பதாகவும் கூறப்படுகிறது.
லோகேஷ் கனகராஜ் இயக்கத்தில் சமீபத்தில் வெளியான லியோ கலவையான விமர்சனங்களை பெற்ற போதிலும், வசூலில் பட்டையை கிளப்பியது. இந்த படத்தை தொடர்ந்து சூப்பர் ஸ்டார் ரஜினிகாந்த் நடிக்கும் புதிய படத்தை இயக்குகிறார். இன்னும் தலைப்பு வைக்கப்படாத இந்தப் படத்தை தலைவர் 171 என்று அழைத்து வருகிறார்கள். இந்த படம் 2024 மார்ச் முதல் தொடங்கும் என எதிர்பார்க்கப்படுகிறது.
ஏற்கனவே எல்சியூ என்று அழைக்கப்படும் லோகேஷ் சினிமாடிக் யுனிவர்ஸில் விக்ரம் 2, கைதி 2 ஆகிய படங்களுடன் ரோலெக்ஸ் கதாபாத்திரத்தை வைத்து தனி படத்தை இயக்கும் திட்டமும் இருப்பதாக இயக்குநர் லோகேஷ் கனகராஜ் தெரிவித்துள்ளார்.
இந்த சூழ்நிலையில், பாலிவுட் சூப்பர்ஸ்டார் ஷாருக்கானை சந்தித்து அவர் கதை கூறி இருப்பதாக தகவல்கள் உலா வருவது ரசிகர்கள் மத்தியில் எதிர்பார்ப்பை ஏற்படுத்தியுள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்