OTT Releases This Week: டிஎஸ்பி முதல் கோல்ட் வரை…இந்த வாரம் என்ன ஸ்பெஷல்

பட்டர்ஃப்ளை

அனுபமா பரமேஸ்வரன் நடிப்பில் மிஸ்டரி, த்ரில்லரை அடிப்படையாகக் கொண்ட படம், பட்டர்ஃப்ளை. இந்த படத்தை காந்தா சதீஷ் பாபு இயக்கி உள்ளார். இப்படம் 29 ஆம் தேதி டிஸ்னி பிளஸ் ஹாட் ஸ்டாரில் வெளியாகி உள்ளது.

டிஎஸ்பி

மக்கள் விஜய் சேதுபதி நடிப்பில் சமீபத்தில் திரையரங்குகளில் வெளியான திரைப்படம் டிஎஸ்பி. தியேட்டரில் பெரிய வரவேற்பை பெற்ற இப்படம் இன்று நெட்ஃபிளிக்ஸ் மற்றும் சன் நெக்ஸ்ட் தளத்தில் வெளியானது. தமிழ், தெலுங்கு, கன்னடம், மலையாளம் மொழிகளில் இப்படம் வெளியாகி உள்ளது. 

உடன்பால்

அறிமுக இயக்குநர் கார்த்திக் ஸ்ரீனிவாசன் இயக்கத்தில் உருவாகியுள்ள படம், உடன்பால். இதில் லிங்கா, காயத்ரி, விவேக் பிரசன்னா நடித்துள்ள இப்படம், ஆஹா ஓடிடி தளத்தில் இன்று ( டிசம்பர் 30 ) நேரடியாக வெளியானது. 

பட்டத்து அரசன்

களவாணி, வாகை சூட வா, நய்யாண்டி, சண்டிவீரன் படங்களை இயக்கிய இயக்குநர் சற்குணம், நடிகர் அதர்வாவுடன் இரண்டாவது முறையாக இணைந்துள்ள திரைப்படம் பட்டத்து அரசன். 

இதில் நடிகர் ராஜ்கிரண் நடித்துள்ளார். இவர்களுடன் நடிகர்கள் ராதிகா சரத்குமார், ஜெயபிரகாஷ், ஆஷிகா ரங்கநாதன், சிங்கம் புலி, ஆர்.கே.சுரேஷ் உள்ளிட்ட பலர் நடித்து உள்ளனர். சுபாஸ்கரன் இந்தப் படத்தை தயாரித்துள்ளார். திரையரங்குகளில் இப்படம் வெளியான நிலையில் டிசம்பர் 28 ஆம் தேதியே நெட்ஃப்ளிக்ஸில் வெளியானது.

கோல்ட்

பிருத்விராஜ் சுகுமாரன் மற்றும் நயன்தாரா நடித்துள்ள மலையாள திரைப்படம் கோல்ட். அமேசான் பிரைமில் டிசம்பர் 29 ஆம் தேதி வெளியானது. பிரேமம் புகழ் அல்போன்ஸ் புத்ரன் இயக்கியுள்ளார். கோடிக்கணக்கான ரூபாய் மதிப்புள்ள தங்கத்தை ஒருவன் திருடினால் ஏற்படும் விளைவுகளைச் சுற்றி படம் உருவாகி உள்ளது.

கட்டா குஸ்தி

 செல்ல அய்யாவு இயக்கத்தில் விஷ்ணு விஷால், ஐஸ்வர்யா லட்சுமி ஹீரோயினாக நடித்த படம் கட்டா குஸ்தி. பெண்களை இழிவாகப் பார்க்கக் கூடாது என்ற தலைப்பில் உருவாகியுள்ள இப்படம் ஏற்கனவே தெலுங்கிலும், தமிழிலும் திரையரங்குகளில் வெளியானது. ஜனவரி 1ஆம் தேதி முதல் நெட்ஃபிக்ஸ் தளத்தில் ஒளிபரப்பாகிறது.

7 Women and a Murder - 28 ஆம் தேதி - நெட்ஃப்ளிக்ஸ்

கோடைகால ரகசியங்கள் (தொடர்) - 28 ஆம் தேதி- நெட்ஃப்ளிக்ஸ்

சோட்டா பீம் (வெப் சீரிஸ்) (இந்தி) - 28 ஆம் தேதி- நெட்ஃப்ளிக்ஸ்

அரே யா பர் (வெப் சீரிஸ்) - 28 ஆம் தேதி - டிஸ்னி பிளஸ் ஹாட் ஸ்டார்

ராக்கெட் கேங் - 28 ஆம் தேதி- ஜீ5