லிங்கா ஏர் பலூன் சீன்..குட்டையை குழப்பிய ரஜினி! எடிட்டிங் முதல் டுவிஸ்டை கெடுத்தது வரை - கே.எஸ். ரவிக்குமார் பகீர்

கடந்த 2014இல் மிக பெரிய எதிர்பார்ப்புக்கு மத்தியில் வெளியாகி பல்வேறு விமர்சனங்களை சந்தித்து பாக்ஸ் ஆபிஸில் சொதப்பிய படம் லிங்கா. ரூ. 100 கோடி செலவில் உருவாக்கப்பட்ட இந்த படம் ரசிகர்கள் பெரிய அளவில் கவராமல் போனது. குறிப்பாக கிளைமாக்ஸில் வரும் ஏர் பலூன் சண்டை ஆக்‌ஷன் காட்சிகள் ரசிகர்களால் ட்ரோல் செய்யப்பட்டதோடு, மீம் மெட்டீரியல் ஆகவும் மாறியது.

இதையடுத்து ரசிகர்கள் விம்ரசிக்கப்பட்ட க்ளைமாக்ஸ் உருவாவதற்கு ரஜினிகாந்த் தான் காரணம் என படத்தின் இயக்குநர் கே.எஸ். ரவிக்குமார் தெரிவித்துள்ளார். படத்தின் மேக்கிங் மற்றும் எடிட்டிங்கில் அவரும் ஈடுபட்டார் என பிரபல யூடியூப் ஷோவான சாய் வித் சித்ரா நிகழ்ச்சிக்கு அளித்த பேட்டியில் கே.எஸ்.ரவிக்குமார் வெளிப்படுத்திய விஷயம் பரபரப்பை கிளப்பியுள்ளது.

ரஜினிகாந்த் பற்றி கே.எஸ்.ரவிக்குமார்

ரசிகர்களால் ட்ரோல் செய்யப்பட்ட அந்த பைட் காட்சியின் எடிட்டிங்கில் ரஜினிகாந்த் தலையிட்டதோடு, சிஐி உருவாவதற்கும் போதிய நேரம் அளிக்கவில்லை. படத்தின் இரண்டாம் பாதியை முழுவதுமாக மாற்றி கிளைமாக்ஸில் ஒரு முக்கியமான டுவிஸ்டை நீக்கிவிட்டார்.

அனுஷ்காவுடன் இடம்பிடிக்கும் பாடல் ஒன்றை நீக்கியதோடு, செயற்கை பலூன் காட்சியை சேர்க்குமாறு சொன்னார். இதுவே லிங்கா படத்தை சொதப்பல் ஆக்கியது." என்றார்.

அதிக வசூலை பெற்ற லிங்கா

தொடர்ந்து லிங்கா படத்தின் பாக்ஸ் ஆபிஸ் வசூல் குறித்து பேசிய இயக்குநர் கே.எஸ். ரவிக்குமார், "லிங்கா பாக்ஸ் ஆபிஸில் தோல்வி அடைந்ததாக கூறுகிறார். ஆனால் உண்மையில் லிங்கா படம் உலக அளவில் ரூ. 158 கோடி வசூலித்தது. அத்துடன் படம் வெளியான ஆண்டில் அதிக வசூலை பெற்ற படங்களில் ஒன்றாகவும் இருந்தது. இதற்கு முன்னர் ரஜினிகாந்துக்கு எந்திரன் படம் தான் அதிகமாக வசூலை ஈட்டியிருந்து. அதற்கு இணையான வசூலை பெற்றதோடு, லிங்கா வசூல் ரீதியாக வெற்றி படமானது" எனக் கூறினார்.

லிங்கா படத்தின் கதை

லிங்கா படத்தில் ரஜினிகாந்த் தாத்தா, பேரன் என இரண்டு விதமான கேரக்டர்களில் நடித்திருப்பார். படத்தில் அவருக்கு ஜோடியாக சோனாக்‌ஷி சின்ஹா, அனுஷ்கா ஆகியோர் நடித்திருப்பார்கள். திருடனாக வரும் பேரன் ரஜினி தனது தாத்தா தெய்வமாக மதிக்கும் ஊருக்கு செல்வது, அந்த ஊர் மக்கள் அவரது தாத்தா மீது வைத்திருக்கும் மதிப்பு மற்றும் மரியாதைக்கு காரணமாக இருக்கும் பின்னணி அறிந்து கொள்வதுமாக செல்லும் கதை, இறுதியில் அரசியல்வாதி வில்லனிடமிருந்து பேரன் ரஜினி அந்த ஊரை காப்பாற்றுவது என படம் முடிவடையும்.

பிளாஷ்பேக்கில் வரும் ரஜினியின் கதாபாத்திரம் முல்லை பெரியாறு அணையை கட்டியை பென்னிக்குவிக் கதாபாத்திரத்தை பிரதிபலிக்கும் விதமாக அமைந்திருக்கும்.

வேட்டையன் ரிலீஸ்

ரஜினிகாந்த் நடித்திருக்கும் புதிய படமாக வேட்டையன் உருவாகியுள்ளது. படத்தில் பாலிவுட் மெகா ஸ்டார் அமிதாப் பச்சன் முக்கிய கதாபாத்திரத்தில் நடித்துள்ளார். மலையாள நடிகர் ஃபஹத் பாசில், தெலுங்கு நடிகர் ராணா, மஞ்சுவாரியர், துஷாரா விஜயன் உள்பட பலரும் படத்தில் நடித்துள்ளார். ரசிகர்கள் மத்தியில் பெரிதும் எதிர்பார்ப்பை ஏற்படுத்தியிருக்கும் இந்த படம் அக்டோபர் 10ஆம் தேதி திரைக்கு வருகிறது.

இந்த படத்தை தொடர்ந்து லோகேஷ் கனகராஜ் இயக்கத்தில் கூலி படத்தில் நடித்து வருகிறது. இதில் தெலுங்கு ஹீரோ நாகார்ஜுனா, ஸ்ருதிஹாசன், சத்யராஜ், உபேந்திரா, செளபின் ஷாகிர் என பலரும் நடிக்கிறார்கள். படத்தின் படப்பிடிப்பு தற்போது விறுவிறுப்பாக நடைபெற்று வருகிறது.