Leo Celebration: ஆட்டம், பாட்டம்.. லியோ பட ரிலீஸை கொண்டாடிய விஜய் ரசிகர்கள்!
Oct 19, 2023, 06:37 AM IST
Share
லியோ படம் வெளியாகியுள்ள நிலையில் ரசிகர்கள் அதை கொண்டாடி வருகின்றனர்.
நடிகர் விஜய் ரசிகர்கள் எதிர்பார்த்து காத்திருந்த லியோ திரைப்படம் பல தடைகளை தாண்டி இன்று ( அக்.19) வெளியாகி உள்ளது.
கேரள மாநிலத்தில் அதிகாலை 4 மணிக்கு முதல் காட்சி என்பதால் விஜய் ரசிகர்கள் பலரும் அங்கு முன்பதிவு செய்து இருக்கிறார்கள். இந்நிலையில் லியோ படத்தை காண ரசிகர்கள் மிகவும் ஆவலாக அதிகாலையிலேயே சென்று வரிசையில் காத்திருந்து நின்று படம் பார்த்து இருக்கிறார்கள். இது தொடர்பான வீடியோ கீழே கொடுக்கப்பட்டு உள்ளது.
கேரள மாநிலத்தில் லியோ திரைப்படம் முதல் நாளில் மட்டும் 2,263 காட்சிகளுடன் வெளியாகி உள்ளது. இது இதுவரை எந்த ஒரு மலையாள நடிகருக்கும் இத்தனை காட்சிகள் ஒதுக்கப்பட்டதில்லை என சொல்லப்படுகிறது.
மேலும் கேரளாவில் லியோ திரைப்படம், ரூ.5.4 கோடியை வசூலித்து இருக்கும் என கூறுகின்றனர். மலையாளத்தில் வசூல் மன்னன் என அழைக்கப்படும் துல்கர் சல்மானின், கிங்க் ஆஃப் கொத்தா திரைப்படம் முன்பதிவில் ரூ.3.43 கோடி தான் வசூலித்தது. அதை லியோ திரைப்படம் முறியடித்து இருக்கிறது.
லியோ படத்தின் நீளம் 2 மணி நேரம் 43 நிமிடங்களாக உள்ளது. ரத்தம் தெறிக்கும் விதமாக ஆக்ஷன் காட்சிகள் படத்தில் இடம்பிடித்திருப்பதால் யு/ஏ சான்றிதழ் வழங்கப்பட்டுள்ளது.
லோகேஷ் கனகராஜ் இயக்கத்தில் நடிகர் விஜய் நடித்திருக்கும் படம், லியோ. இப்படத்தில் சஞ்சய் தத், அர்ஜூன், திரிஷா, இயக்குநர் கெளதம் மேனன், இயக்குநர் மிஷ்கின், மன்சூர் அலிகான், பிரியா ஆனந்த், மடோனா செபஸ்டின், பாலிவுட் இயக்குநர் அனுராக் காஷ்யப் ஆகியப் பலர் நடித்து உள்ளனர்.
வெளிநாடுகளில் இப்படம் நேற்று இரவு வெளியாகியுள்ளதாக தெரிகிறது. ஏனென்றால் உலகம் முழுவதும் நிலவும் நேர வேறுபாட்டின் காரணமாக, ஆஸ்திரேலியா, ஜப்பான் போன்ற நாடுகளில் அக்டோபர் 19 ஆம் தேதி முன்னதாகவே பிறந்து உள்ளது. இதனால் முன்னதாக, இந்நாட்டைச் சார்ந்த ரசிகர்கள் லியோ படத்தைப் பார்த்துவிட்டு, அதனை வீடியோவாக தியேட்டரில் படம் பிடித்து, அதனை சமூக வலைதளங்களில் லீக் செய்து வருகின்றனர். இதற்கு விஜய் ரசிகர்கள் கண்டனம் தெரிவித்து வருகிறார்கள்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்