Leo Crew: கோவிந்தா, கோவிந்தா.. கடவுளே படம் ஜெயிக்கணும் - திருப்பதி சென்று பிரார்த்தனை செய்யும் லியோ குழு
Oct 12, 2023, 07:44 AM IST
Share
லியோ படம் வெற்றியடைய வேண்டும் என கூறி படக்குழு திருப்பதி சென்று பிரார்த்தனை செய்து உள்ளனர்.
கோலிவுட்டில் மாபெரும் எதிர்பார்க்கப்பட்ட படமான லியோ வரும் அக்டோபர் 19 ஆம் தேதி ரிலீஸாகவுள்ளது. படத்திற்கான டிக்கெட் முன்பதிவு வரும் 15 ஆம் தேதி முதல் தொடங்கும் என சொல்லப்படுகிறது.
படம் வெளியாக ஒரு பக்கம் விளம்பர பணியில் ஈடுபட்டு இருக்கும் படக்குழு ஆன்மிகத்திலும் அதிகமாக ஈடுபட்டு உள்ளனர். அந்த வகையில் லியோ பட இயக்குநரான லோகேஷ் கனகராஜ், ரத்ன குமார் உள்ளிட்ட படக்குழுவினர் நேற்று ( ஆக்.11) திருப்பதிக்கு சென்று உள்ளனர். திருப்பதி மலையில் நடை பாதையாக சென்று சாமி தரிசனம் செய்து உள்ளார்கள்.
நடை பாதையில் சென்ற போது எடுத்த வீடியோவை இயக்குநர் ரத்ன குமார் தனது சமூக வலைதளங்களில் வெளியிட்டு இருக்கிறார். அதில், ”For Leo" என கேப்ஷன் கொடுத்து இருக்கிறார்.
லியோ வெளியீட்டுக்கான கவுன்டவுன் துவங்கியுள்ளது. லோகேஷ் கனகராஜ் இயக்கியுள்ள இந்தப்படத்திற்கு விமர்சங்கள் வந்துகொண்டிருக்கின்றன. இந்தப்படத்தை பல்வேறு தரப்பினரும் பாராட்டி வருகின்றனர். ரத்னகுமார் கூறுகையில், நான் லியோ பார்த்துவிட்டேன். அனிருத்தின் ரீரெக்காடிங் இல்லாமலே படம் நன்றாக இருக்கிறது என்று நான் லோகேஷ் கனகராஜிடம் தெரிவித்தேன் என்றார்.
இந்த படம் குறித்து லோகேஷ் கனகராஜ் கூறுகையில், ‘லியோ படம் எனக்கு மிகவும் சிறப்பு வாய்ந்தது. இந்தப்படத்தில் விஜய் அண்ணனின் உழைப்பை கூற வார்த்தைகள் இல்லை. அதை நான் ரசிகர்களுக்கு காண்பிப்பதற்காக ஆவலுடன் காத்திருக்கிறேன்’ என்றார்.
படத்தில் விஜய், திரிஷா தவிர சஞ்சய் தத், அர்ஜீன், கௌதம் மேனன், மிஷ்கின், ப்ரியா ஆனந்த், பிக் பாஸ் ஜனனி ஆகியோரும் முக்கிய கதாபாத்திரத்தில் நடித்து உள்ளனர்.
நான் ரெடி, பேட் ஆஸ் போல் பாடலை தொடர்ந்து மூன்றாவது சிங்களான அன்பென்னும் பாடல் நேற்று ( அக்.11) மாலை வெளியாகி ரசிகர்களிடம் வரவேற்பை பெற்றது. விஜய், த்ரிஷா தொடர்பான பாடலான இது சமூக வலைதளங்களில் வைரலாகி வருகிறது.
லியோ படத்தில் 13 சென்சார் கட் செய்யப்பட்டு இருப்பதாக சென்சார் போர்டு அறிவித்து இருக்கிறது. புகை மற்றும் போதை பொருட்கள் குறித்த காட்சிகள், தகாத வார்த்தைகள் இடம்பெற்ற காட்சிகள், ரத்தம் தெறிக்கும் சண்டை காட்சிகள், படத்தில் இடம்பெற்ற சிகரெட் கம்பெனிகள் பெயர் என்று 13 கட்டுகள் செய்யப்பட்டு உள்ளது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்