Leo Box Office Collection: தொட்டு விடும் தூரத்தில் ரஜினி; சூப்பர் ஸ்டார் ஆவாரா விஜய்? - லியோ வசூல் எவ்வளவு தெரியுமா?

விஜய் நடிப்பில் இயக்குநர் லோகேஷ் கனகராஜ் இயக்கத்தில் கடந்த அக்டோபர் 19ம் தேதி வெளியான லியோ திரைப்படம் கலவையான விமர்சனங்களை பெற்ற போதினும், வசூல் சாதனை படைத்து வருகிறது. 

sacnilk தளம் வெளியிட்ட தகவல்களின் அடிப்படையில், இந்தியாவில் முதல் வாரத்தில் லியோ திரைப்படம் 264.25 கோடி வசூல் செய்த நிலையில், இரண்டாவது வாரத்தில் 53.35 கோடி வசூல் செய்ததாக குறிப்பிட்டது.

படம் வெளியாகி நேற்றைய தினத்தோடு, 16 நாள்கள் ஆன நிலையில், நேற்றைய தினம் மட்டும் லியோ 2.20 கோடி வசூல் ஆனதாக குறிப்பிட்டு இருந்தது. 17 வது தினமான இன்று லியோ திரைப்படம் அனைத்து மொழிகளிலும் 3.00 கோடி வரை வசூல் செய்ய வாய்ப்பு இருப்பதாக குறிப்பிட்டு இருக்கிறது. மொத்தமாக இது வரை லியோ திரைப்படம் 319.80 கோடி வசூல் செய்திருக்கிறது. 

முன்னதாக, இந்த வருடத்தின் மிகப்பெரிய வெற்றி படமாக அமைந்த ஜெயிலர் திரைப்படம் இந்தியாவில் மொத்தமாக 348 கோடி வரை வசூல் செய்ததாக சொல்லப்பட்டது. 

தமிழ் நாடு அளவில் பார்க்கும் போது லியோ திரைப்படம் ஜெயிலர், விக்ரம், பொன்னியின் செல்வன் திரைப்படங்களின் வசூலை ஏற்கனவே முந்தி விட்டது. ஜெயிலர் திரைப்படத்தின் இந்திய வசூலை முறியடிக்க தோராயமாக  28 கோடிகள் தேவைப்படுவதால், படம் அந்தளவு வசூலிக்குமா என்பதை பொறுத்திருந்தான் பார்க்க வேண்டும்.