சானிட்டரி நாப்கின் விளம்பரத்தில் நடிக்க மறுக்கும் லாரா தத்தா

2000 ஆம் ஆண்டு மிஸ் யுனிவர்ஸ் பட்டம் வென்றவர் லாரா தத்தா. அதில் கிடைத்த புகழ் மூலம் திரை உலகிற்குள் நுழைந்து நடிப்பில் கவனம் செலுத்த தொடங்கினார். 2003 ஆம் ஆண்டு ’அண்டாஸ்’ படத்தில் நடித்த இவர் 'மஸ்தி', 'நோ என்ட்ரி', 'பார்ட்னர்' 'டான் 2' என அடுத்தடுத்த வெற்றிப் படங்களில் நடித்தார்.

இவர் தமிழில் 2004 ஆம் ஆண்டு வெளியான அரசாட்சி படத்தில் அர்ஜுனுடன் இணைந்து நடித்திருந்தார். கடைசியாக லாரா, கடந்த ஆண்டு, அக்ஷய் குமார் மற்றும் ஹூமா குரேஷியுடன் நடிப்பில் வெளியான 'பெல் பாட்டம்' படத்தில், முன்னாள் பிரதமர் இந்திரா காந்தி போல் வேடமணிந்து நடித்திருந்தார். லாரா தத்தா படங்கள் மட்டுமின்றி வெப் சிரீஸ், விளம்பரம் உள்ளிட்டவற்றிலும் நடித்து வருகிறார்.

இந்நிலையில் சமீபத்தில் லாரா தத்தாவிடம் ஆங்கில ஊடகம் ஓன்றிருக்கு பேட்டியளித்தார். அப்போது அவரிடம், "சானிட்டரி நாப்கின்கள், மதுபானங்கள் மற்றும் சிகரெட் உள்ளிட்ட விளம்பரங்களில் நடிப்பீர்களா?" என கேள்வி கேட்கப்பட்டது. அதற்கு பதிலளித்த லாரா, "ஒரு பொருளைப் பயன்படுத்தப் போவதில்லை என்றால், அதற்கு ஒப்புதல் அளிக்க மாட்டேன்" என்றார்.

தொடர்ந்து பேசுகையில், "ஆம்… என்னிடம் இந்த பழக்கம் இருக்கிறது. எனக்கு மதுபானங்கள் குடிக்கும் பழக்கம் இல்லை. நான் ஒரு டீட்டோடலராக இருக்க விரும்புகிறேன். அதை குடித்து பார்க்க வேண்டும் என எனக்கு ஒரு முறை கூட எண்ணம் வரவில்லை. 

அதனால் அதுபோன்ற விளம்பரங்களை நான் தேர்வு செய்து நடிக்க வேண்டாம் என விரும்புகிறேன்.  நான் சிகரெட்டையும் விளம்பரப்படுத்த மாட்டேன். அதேபோல் சமீபத்தில் என்னிடன் ஒரு பிராண்ட் சானிட்டரி நாப்கினை விளம்பரம் செய்து கொடுக்கும் படி, விளம்பர கம்பெனி அணுகினார்கள். அதை நான் ஏற்கவில்லை. விளம்பரத்தை நான் நிராகரித்துவிட்டேன்.

சிகரெட், மதுபானங்கள் தொடர்பான விளம்பரங்களை தவிர்த்தால் தான் தயாரிப்பு குறையும். பெண்கள் மாதவிடாய் காலங்களில் சானிட்டரி நாப்கின் பயன்படுத்துவதற்கு பதிலாக மாதவிடாய் கோப்பைகளை பயன்படுத்த வேண்டும்.

எதிர்காலத்தில் இதுபோன்ற தயாரிப்புகளை நான் விளம்பரப்படுத்த விரும்புகிறேன். நடப்பதை நான் நம்புகிறேன். நான் அந்த பொருளை பயன்படுத்தப் போவதில்லை என்றால். அதை நான் ஒரு போதும் விளம்பரம் செய்து ஆதரிக்க மாட்டேன்”என்றார்.