Director KS Ravikumar: செட்டில் நிஜமாகவே அடிக்க வந்த ஹீரோ..! தெலுங்கு சினிமாவில் நடந்த சம்பவம் - கே.எஸ்.ரவிக்குமார் பகிர

தமிழ் சினிமாவில் முன்னணி இயக்குநராக இருந்து வரும் கே.எஸ். ரவிக்குமார், தெலுங்கு, இந்தி சினிமாக்களையும் இயக்கியுள்ளார். இதையடுத்து தெலுங்கு சூப்பர் ஸ்டார் பாலய்யாவின் படத்தின் இயக்குநராக பணியாற்றியபோது நடந்த சுவாரஸ்ய சம்பவத்தை பகிர்ந்துள்ளார்.

ஹன்சிகா நடிப்பில் உருவாகியிருக்கும் கார்டியன் படத்தின் நிகழ்ச்சியின் கலந்துகொண்ட கே.எஸ். ரவிக்குமார் அந்த படத்தின் இயக்குநர் சரவணன் பற்றி பேசினார். அப்போது இதுகுறித்து கூறியதாவது:

"செட்டில் யாராவது சிரிப்பதை பார்த்தாலே இவர் எதுக்கு சிரிக்கிறார் என கேட்பார் பாலய்யா. கோப்பட்டு கேட்பார்., அப்படிதான் எனது உதவியாளர் சரவணன் பாலய்யாவிடம் மாட்டிக்கொண்டார். ரசிகர்களை நோக்கி பாலய்யா திரும்பியபோது அவரது விக் லேசாக அசைந்ததை பார்த்து சிரித்துள்ளார்.

இதை கவனித்த பாலய்யா அவரை பார்த்து எதுக்கு சிரித்தாய் என கோப்பட்டு கேட்டார். உடனே நான் சென்று இவர் எனது உதவியாளர்தான் என்றேன். ஆனால் அவர் அதை கேட்காமல் இவர் எதிர் கேங் என கூறி அடிக்கவே பாய்ந்துவிட்டார்.

அப்புறம் ஒரு வழியாக சரவணனை அவரிடமிருந்து காப்பாற்றினேன். அவரிடம் மாட்டிக்கொண்டு அடிவாங்காமல் தப்பித்தார். பாலய்யா பழகுவதற்கு இனிமையானவர். நல்ல மனிதர். ஆனால் எதிலும் ஒரு விதமான சந்தகேத்துடன் இருப்பார்"

இவ்வாறு அவர் கூறினார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9