Pushpa 2: புஷ்பா 2 இயக்குநருக்கு ரூ.100 கோடி சம்பளமா? வாயைப் பிளக்கும் கோலிவுட் வட்டாரம்

டோலிவுட்டின் முன்னணி இயக்குநர் சுகுமாருக்கு ரூ. 100 கோடி வரை சம்பளம் பேசப்பட்டிருப்பதாகத் தகவல் வெளியாகியுள்ளது. 

டோலிவுட்டின் முன்னணி இயக்குநர்களில் ஒருவர், இயக்குநர் சுகுமார். அவரது இயக்கத்தில் அண்மையில் ரிலீஸான புஷ்பா படம் இந்திய அளவில் மிகப்பெரிய வெற்றியைப் பெற்றது. இப்படத்தில் அல்லு அர்ஜூன், ராஷ்மிகா மந்தனா மற்றும் பல முக்கிய நடிகர்கள் நடித்து இருந்தனர். 

2021ஆம் ஆண்டு ரிலீஸான இப்படம் சுமார் 350 கோடி ரூபாய் வசூலை அள்ளி, பாக்ஸ் ஆபிஸில் மிகப்பெரிய ஹிட்டடித்தது. அப்போது புஷ்பா படத்தின் இயக்குநர் சுகுமாருக்கு சுமார் ரூ.25 கோடி சம்பளமாகத் தரப்பட்டதாகக் கூறப்பட்டது. இந்நிலையில் கடந்த இரண்டு ஆண்டுகளாக புஷ்பா படத்தின் இரண்டாம் பாகம் பல்வேறு மொழிகளில் உருவாகி வருகிறது. இந்நிலையில் இப்படத்திற்கு எதிர்பார்ப்பு எகிறியுள்ளதால் இப்படத்திற்குண்டான வியாபாரமும் சூடு பிடித்துள்ளது. இந்நிலையில் புஷ்பா படத்தின் இரண்டாம் பாகம் அடுத்த வருடம் ஆகஸ்ட் மாதம் 15ஆம் தேதி வெளியாகவுள்ளது எனக்கூறப்படுகிறது. 

இந்நிலையில் புஷ்பா முதல் பாகத்தை விட, இரண்டாம் பாகத்துக்கு வியாபாரம் பெருமளவில் நடப்பதால் இப்படத்தின் இரண்டாம் பாகத்தின் ஓடிடி உரிமையை பெரிய தொகைக்கு விற்பனை செய்துள்ளார்களாம். அதனால்  படத்தின் இயக்குநரான சுகுமாருக்கு ரூ.100 கோடி வரை சம்பளமாக படக்குழுவினர் தரப்போவதாகப் பேசப்படுகிறது. அப்படி தரப்பட்டால் இயக்குநர் ராஜமவுலிக்கு அடுத்தபடியாக டோலிவுட்டில் ரூ.100 கோடி சம்பளம் பெறும் இயக்குநர் என சுகுமார் அறியப்படுகிறார். 

இந்த இயக்குநர் சுகுமார், முன்னதாக தெலுங்கில் ஆர்யா, ஜகதம், ஆர்யா 2, 100% லவ், ரங்கஸ்தலம், புஷ்பா தி ரைஸ் ஆகிய தெலுங்கு படங்களை இயக்கியுள்ளார் என்பது குறிப்பிடத்தக்கது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.