Vishal:அடையாளம் தெரியாத பெண்ணுடன் முக்காடு போட்டுக்கொண்டு ஓடிய விஷால்.. வைரல் வீடியோ!

தமிழ் சினிமாவில் செல்லமே திரைப்படம் மூலம் கதாநாயகனாக அறிமுகமானவர் நடிகர் விஷால். அடுத்ததாக இவர் நடிப்பில் வெளியான சண்டக்கோழி திரைப்படம் மிகப்பெரிய வெற்றியைப் பெற்று, அவரை ஆக்‌ஷன் ஹீரோவாக மாற்றியது.

தொடர்ந்து திமிரு, சிவப்பதிகாரம், தாமிரபரணி, அவன் இவன் உள்ளிட்ட பல திரைப்படங்களில் நடித்த விஷால் இன்று வரை தான் நினைத்த இடத்தை அடைய போராடிக்கொண்டிருக்கிறார். இறுதியாக இவர் நடிப்பில் வெளியான மார்க் ஆண்டனி திரைப்படம் மிகப்பெரிய வெற்றியைப் பெற்று 100 கோடி வசூல் செய்தது.

கேரியரில் ஓரளவு நிலைத்த தன்மையை பெற்று இருக்கும் விஷால், பர்சனல் லைஃப்பில் இன்னும் மனைவியை கரம் பிடிக்கவில்லை. இடையே தெலுங்கு நடிகை அனிஷா ஷெட்டியுடன் விஷாலுக்கு திருமணம் நிச்சயம் ஆனது. ஆனால் அந்த கல்யாணம் சில காரணங்களால் பாதியில் நின்று போனது.

லட்சுமி மேனனுடன் காதலில் இருப்பதாகவும் செய்திகள் உலாவின. இந்த நிலையில் விஷால் பெண் ஒருவருடன் ஜாலியாக செல்லும் வீடியோ இணையத்தில் வைரலாகி வருகிறது.

அந்த வீடியோவில், அமெரிக்காவின் நியூயார்க் நகரில் அடையாளம் தெரியாத பெண் ஒருவருடன் விஷால் ஜாலியாக நடந்து சென்று கொண்டிருக்கிறார்.

அதனை ஒருவர் தன்னுடைய மொபைலில் படம் பிடித்தார். இதனை சற்றும் எதிர்பாராத விஷால், அங்கு இருந்து தப்பிக்க, தான் அணிந்திருந்த ஆடையை தலையில் தூக்கிப்போட்டுக்கொண்டு, அந்த பெண்ணை அழைத்துக்கொண்டு ஓடினார். இந்த வீடியோ தற்போது சமூகவலைதளங்களில் வைரலாகி வருகிறது.