டிஆர்பியில் கெத்துக் காட்டும் கயல்! சன் டிவி தான் டாப்பு! விஜய் டிவிக்கு எல்லாம் போச்சா!

திரைப்படங்களைக் காட்டிலும் அதிகமான இல்லத்தரசிகளை ரசிகர்களாக கொண்டது டிவி சீரியல்கள்தான். திரைப்படங்களின் நடிக்கர்களை விட சீரியல் நடிகர்கள் மக்களிடம் மிகவும் பிரபலமானவர்களாக உள்ளனர். மேலும் ஒவ்வொரு சீரியலும் அதன் கதை, கதாபாத்திரங்களின் அமைப்பு, நடிகர்களின் நடிப்புத் திறன் ஆகியவற்றால் மட்டுமே சிறப்பு பெறுகின்றன. இவை அனைத்தும் சரியாக இருந்து ஒரு நேர்த்தியான படைப்பாக இருந்தால் மட்டுமே மக்களால் அதிகம் விரும்பப்படுகிறது. தமிழ் சீயல்களுக்கான சேனல்களை பொறுத்த வரை, சன் டிவி, ஜீ தமிழ், விஜய் டிவி ஆகிய சேனல்கள் முன்னணி வகிக்கின்றன. இதில் ஓடும் பிரைம் டைம் சீரியல்களே அதிகம் பேரால் பார்க்கப்படுகிறது. 

ஒவ்வொரு வாரமும் டிவி சீரியல்கள் எந்த அளவுக்கு ஓடியுள்ளது என டி.ஆர்.பி ரேட்டிங் வெளியாகும். இந்த வார டி.ஆர்.பி ரேட்டிங்கில்  தமிழ் சேனல்களில் ஒளிபரப்பாகி வரும் அனைத்து டிவி சீரியல்களையும் பின்னுக்குத் தள்ளி முதல் 5 இடங்களை பிடித்துள்ளது சன் டிவி. விஜய் டிவி சீரியல்கள் முதல் 5 இடத்தில் இல்லாமல் இந்த வாரம் பின்னுக்கு தள்ளப்பட்டுள்ளன. ஜீ தமிழில் ஒளிபரப்பாகி வரும் கார்த்திகை தீபமும் பின்னுக்குத் தள்ளப்பட்டுள்ளன. 

கெத்துக் காட்டும் சன் டிவி 

கடந்த வாரம் முன்னிலை வகித்த விஜய் டிவி சீரியல்களை அசால்ட்டாக கீழே தள்ளி முதல் 5 இடத்தை கெட்டியாக பிடித்துள்ளன சன் டிவி சீரியல்கள். சைத்தாரா மற்றும் சஞ்சீவி ஆகியோர் நடிக்கும் கயல் சீரியல் முதல் இடத்தில் உள்ளது. அதனைத் தொடர்ந்து சிங்கப்பெண்ணே சீரியல் இரண்டாம் இடத்தை பிடித்துள்ளது. மேலும் சன் டிவி சீரியல்களில் முக்கியமான சீரியல்களான மூன்று முடிச்சு மற்றும் மருமகள் ஆகிய சீரியல் மூன்று, நான்காவது இடத்தை பிடித்துள்ளன. ஐந்தாவது இடத்தில் சுந்தரி சீரியல் உள்ளது. 

விஜய் டிவியின் சிறக்கடிக்க ஆசை தொடர் சரிவை சந்தித்து ஏழாவது இடத்தில் உள்ளது. விஜய் டிவியின் மற்றொரு சீரியலான பாண்டியன் ஸ்டோர்ஸ் 9 ஆவது இடத்தை பிடித்துள்ளது. ஜீ தமிழின் டாப் சீரியலான கார்த்திகை தீபம் 10 ஆவது இடத்தில் உள்ளது. இந்த வரிசையில் சன் டிவியின் மற்றொரு சீரியலான ராமாயணம் ஆறாவது இடத்தை பிடித்தது. மல்லி சீரியல் எட்டாவது இடத்தில் உள்ளது. 

விஜய் டிவிக்கு கைக் கொடுக்கும் சீரியலாக சிறக்கடிக்க ஆசை இருந்து வருகிறது. இந்த சீரியலில் நடிக்கும் அனைத்து கதாபாத்திரங்களையும் மக்கள் மிகவும் விரும்புவது உண்டு. ஆனால் இந்த வாரம் இந்த சீரியலுக்கு போதிய புள்ளிகள் கிடைக்காத காரணத்தால் டாப் 5 இடத்தை தவறவிட்டுள்ளது. பிரைம் டைம் எனப்படும் நேரத்தில் இந்த சீரியல்கள் ஒளிபரப்பப்படுகின்றன. இரவு நேரங்களில் குடும்பங்களின் பெரும் பொழுதுபோக்காக சீரியல்கள் மாறியுள்ளன.  

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.