துப்பு கொடுத்தா 5 லட்சம் பரிசு.. அதள பாதாளத்திற்கு இறங்கிய ரீபல் ஸ்டார் படக்குழு!

புராணக் கதையை மையமாக வைத்து முகேஷ் சிங் இயக்கி வரும் திரைப்படம் கண்ணப்பா, இந்தப் படத்தில் விஷ்ணு மஞ்சு, மோகன்பாபு, சரத்குமார், பிரம்மானந்தம் உள்ளிட்ட நடிகர்கள் கூட்டாக நடித்து வருகின்றனர். மேலும், இந்தப் படத்தில் பிரபாஸ், அக்‌ஷய் குமார், மோகன்லால், காஜல் அகர்வால் உள்ளிட்ட சில முன்னணி நடிகர்கள் கவுரவ கதாபாத்திரத்திலும் நடித்திருக்கின்றனர்.

கசிந்தது பிரபாஸின் லுக்

கடந்த 8 வருடமாக பல ஆராய்ச்சிகள், ஆய்வுகள் செய்து எடுக்கப்பட்டு வரும் இந்தப் படத்தின் டீசர் சமீபத்தில் வெளியானது. இதையடுத்து, படத்தில் பிரபாஸ் நடித்த கதாப்பாத்திரத்தின் லுக்கை சிலர் திருட்டுத்தனமாக இணையத்தில் கசியவிட்டுள்ளனர்.

பரபரப்பான டோலிவுட்

இதனை மக்கள் பலரும் பகிர்ந்து வருவதால், படக்குழு மிகவம் வேதனையில் உள்ளது. மேலும் தங்களின் எட்டு வருட உழைப்பை சிலர் வீணடித்து விட்டார்கள். இப்படி செய்தவர்கள் மீது நாங்கள் போலிஸில் புகார் கொடுப்போம். அத்துடன் இதுபோன்ற மோசமான வேலையை செய்தவர்களை கண்டுபிடித்து கொடுத்தால் அவர்களுக்கு 5 லட்ச ரூபாய் சன்மானம் வழங்கப்படும் எனவும் அறிவிக்கப்பட்டுள்ளது. படக்குழுவின் இந்த அறிவிப்பு தான் தற்போது டோலிவுட் முழுவதும் பேசுபொருளாக உள்ளது.

பாழாய் போன 8 வருட உழைப்பு

இதுகுறித்து இயக்குநர் மஞ்சு விஷ்ணு பேசுகையில், கடந்த எட்டு ஆண்டுகளாக கண்ணப்பா படத்திற்காக எங்கள் வாழ்க்கையை தியாகம் செய்துள்ளோம். கடந்த இரண்டு ஆண்டுகளாக, இந்த படத்தை வெற்றிகரமாக முடிக்க படக்குழு மொத்தமும் அயராது உழைத்து வருகிறது. இந்நிலையில், கண்ணப்பா படத்தின் பணி நடந்து கொண்டிருக்கும் புகைப்படம் கசிந்திருப்பது எங்களுக்கு மிகுந்த வருத்தத்தை அளிக்கிறது.

5 லட்சம் சன்மானம்

இந்தப் புகைப்படம் கசிந்தது எங்கள் கடின உழைப்பை மட்டுமல்ல, படத்திற்காக தொடர்ந்து பணியாற்றும் 2000 விஎஃப்எக்ஸ் கலைஞர்களின் வாழ்க்கையையும் பாதிக்கிறது. இந்த புகைப்பட கசிவு எப்படி நடந்தது என்பதை அறிய நாங்கள் போலீஸில் வழக்கு பதிவு செய்துள்ளோம். இந்த புகைப்பட காட்சிகளை லீக் செய்தவர்கள் குறித்து தகவல் தெரிந்தால் அவர்கள் குறித்த தகவலை 24 பிரேம்ஸ் ஃபேக்டரியின் ட்விட்டர் கணக்கில் தெரிவிக்குமாறும், அப்படி தெரிவித்தால் அவர்களுக்கு 5 லட்சம் சன்மானம் வழங்கப்படும் என்றும் கூறினார்.

பிரபாஸ் கெஸ்ட் ரோல்

புராண கதையை கொண்ட கண்ணப்பா படத்தில் மஞ்சு விஷ்ணு மற்றும் மோகன் பாபு ஆகியோர் முக்கிய வேடங்களில் நடித்துள்ளனர். பிரபாஸ், மோகன்லால், அக் ஷய் குமார், காஜல் அகர்வால் ஆகியோர் கெஸ்ட் ரோல்களில் நடித்துள்ளனர். சரத்குமார், மதுபாலா, சிவ பாலாஜி, பிரம்மானந்தம் மற்றும் பல டோலிவுட் நடிகர்கள் முக்கிய வேடங்களில் நடிக்கின்றனர்.

100 கோடி பட்ஜெட் படம்

முகேஷ் குமார் சிங் இயக்கும் இப்படத்தை மஞ்சு விஷ்ணுவே தயாரிக்கிறார். மஞ்சு விஷ்ணுவின் கேரியரில் பிரம்மாண்ட பட்ஜெட்டில் சுமார் 100 கோடி பட்ஜெட்டில் இப்படம் தயாராகிறது. முன்னதாக வரும் டிசம்பர் மாதம் படத்தை வெளியிடுவதாக மஞ்சு விஷ்ணு அறிவித்திருந்த நிலையில், தற்போது படத்தின் ரிலீஸ் தேதி மாற்றப்பட்டுள்ளது. மஞ்சு விஷ்ணுவின் கனவுப் படமான 'கண்ணப்பா' பிரம்மாண்டமாக திரையிடப்படுகிறது. அவா எண்டர்டெயின்மெண்ட்ஸ் மற்றும் 24 பிரேம்ஸ் ஃபேக்டரி நிறுவனங்கள் தயாரிக்கின்றனர்.

எதிர்பாற்பிற்கு அப்பாற்பட்ட படம்

"கண்ணப்பாவில் என் கலைஞர்கள்தான் என் பலம். விஷ்ணுவின் நடிப்பும், அதில் நான் பட்ட கஷ்டமும் நான் சொல்வதை விட குறைவு. மொத்த குழுவும் உறைய வைக்கும் குளிரில் கூட நகராமல் வேலை செய்தது. விஷ்ணு, சரத்குமார், மோகன் பாபு ஆகியோர் அர்ப்பணிப்புடன் பணியாற்றியிருக்கிறார்கள். ஒவ்வொருவரும் அருமையாக நடித்துள்ளனர். அவர்கள் என் எதிர்பார்ப்புகளுக்கு அப்பாற்பட்டு செயல்பட்டுள்ளனர்" என்று கண்ணப்பா படத்தின் இயக்குநர் முகேஷ் குமார் சிங் கூறினார்.

கண்ணப்பா நம் வரலாறு

"ராமாயணமும், மகாபாரதமும் புராணக் கதைகள் அல்ல. இதுதான் நமது வரலாறு. தெற்கோ வடக்கோ இல்லை. ஒரு பக்தரின் கதையை இந்தப் படத்தின் மூலம் சொல்கிறோம். கடவுளிடம் சென்று ஆசைகளைக் கேட்கிறோம். ஆனால் கண்ணப்பா எதுவும் கேட்காமல் தன் கண்களை இறைவனுக்கு அர்ப்பணித்தார். அத்தகைய சிறந்த பக்தரின் கதையை உலகிற்கு சொல்ல நினைக்கிறோம். இதை விட பெரிய கதையை வேறு எங்கு காண முடியும். கண்ணப்பாவை அனைவரும் பார்க்க வேண்டும்" என்றும் அவர் கூறினார்.