Vikram 100 days: ஆடியோ பதிவு மூலம் நன்றி தெரிவித்த கமல்!

லோகேஷ் கனகராஜ் இயக்கத்தில் கமல்ஹாசன் நடித்து பெரிய அடியான திரைப்படம் விக்ரம். இந்த திரைப்படத்தில் பகத் பாசில் விஜய் சேதுபதி சூர்யா உள்ளிட்ட பெரும் நடிகர்கள் பட்டாளமே நடித்திருந்தனர். வசூலில் மிகப்பெரிய சாதனை படைத்த திரைப்படம் திரையரங்குகளில் வெளியாகி 100 நாட்களை எட்டியுள்ளது.

இது குறித்து சமூக வலைத்தளங்களில் ரசிகர்கள் வெகு விமர்சையாக கொண்டாடி வருகின்றனர். வெகு நாட்கள் கழித்து நடிகர் கமலஹாசனுக்கு இந்த திரைப்படம் மிகப்பெரிய வெற்றியைக் கொடுத்தது. நூறு நாட்களை எட்டியதை ஒட்டி நடிகர் கமலஹாசன் ட்விட்டர் பக்கத்தில் ஆடியோ பதிவு ஒன்றை வெளியிட்டுள்ளார்.

அந்த ஆடியோ பதிவில், விக்ரம் திரைப்படமானது ரசிகர்களின் ஆதரவோடு நூறாவது நாளை எட்டியுள்ளது. இதனால் நான் மிகுந்த மகிழ்ச்சியுடன் இருக்கிறேன். பல தலைமுறைகள் தாண்டி என்னை ரசிக்கும் ஒவ்வொருவரையும் நான் மானசீகமாகத் தழுவிக் கொள்கிறேன்.

இந்த படத்தின் வெற்றிக்குக் காரணமாக அமைந்த ஒவ்வொருவருக்கும் எனது இதயம் கனிந்த நன்றிகளையும் வாழ்த்துக்களையும் தெரிவித்துக் கொள்கிறேன். தம்பி லோகேஷுக்கு அன்பும் வாழ்த்துக்களும்" எனத் தெரிவித்துள்ளார்.