Kamal haasan Speech: இது தமிழ் சினிமாவின் பொற்காலம்!-நடிகர் கமல்ஹாசன்

சென்னை நேரு உள்விளையாட்டு அரங்கில் நடந்த பொன்னியின் செல்வன் பாகம் 2 படத்தின் டிரெய்லர் வெளியீட்டு விழாவில் நடைபெற்றது.

அதில் பங்கேற்ற நடிகர் கமல்ஹாசன் பேசியதாவது:

உயிரே உறவே தமிழே! எந்த மேடைக்கு போனாலும் இந்த வார்த்தை மாறாது. அது கீழே உட்கார்ந்து இருக்கும் சிம்புவுக்கு தெரியும்.

என்னிடம் என்னுடைய ஷெடியூல் என்ன என்று கேட்பார்கள். எப்படி இப்படி வேலை செய்கிறீர்கள் என்பார்கள்.

நான் வேலைக்கு சென்று மிக நீண்ட நாட்கள் ஆகிவிட்டது. நான் பிடித்ததை செய்ய பணம் கொடுக்கிறார்கள்.

எனக்கும் மணிக்குமான (இயக்குநர் மணிரத்னம்) தொடர்பு நாயகனுக்கு முன்பு தொடங்கியது. இப்போதும் தொடர்கிறது.

இதை மணிரத்னத்திற்கான பாராட்டு விழா என்று நினைத்து கொள்ளலாம். நேற்று முன்தினம் இசையமைப்பாளர் ஏ.ஆர். ரஹ்மான் பிரமாண்டமான ஆர்க்கெஸ்ட்ரா மூலம் இசை ஒன்றை எனக்கு செய்து காண்பித்தார். நான் நெகிழ்ந்து விட்டேன். என்னால் பேச கூட முடியவில்லை. பின்னர் ஏ. ஆர்.ரகுமானிடம் பேசினேன். இப்படிப்பட்ட கலைஞர்கள் ஒன்று சேர்ந்ததில் பெருமை.

காதலா வீரமா என்றார்கள்... அது மணிரத்னத்தின் காதல். கல்கியின் மீது அவர் கொண்ட காதல். நானும் அவருக்கு காதலர்தான். காதலும் வீரமும் முதலில் அதை தாண்டித்தான் பக்தி மயம். 

ஐஸ்வர்யாராய் மீண்டும் உலக அழகி என்பதை மணிரத்னம் காண்பித்து விட்டார்.

எல்லோரும் பொன்னியின் செல்வனை எப்படி எடுக்க முடியும் என்றார்கள். ஆனால் மணி செய்து காண்பித்துவிட்டார்.

படத்தின் நடிகர்கள் அதை நெருக்கத்தில் கொண்டு சென்று விட்டார்கள். சோழர் காலம் மட்டும் பொற்காலம் அல்ல. இது தமிழ் சினிமாவின் பொற்காலம்.இந்த மாதிரி யாரும் படம் எடுக்க மாட்டார்கள்; காரணம் பயம். மணிரத்னத்திற்கும் அந்த பயம் இருக்கும். பயம்னா என்ன தெரியுமா? பயமில்லாதது போல நடிப்பது ஆகும் என்றார் கமல்ஹாசன்.