Junior NTR 31 - ஜூனியர் என். டி.ஆர், பிரசாந்த் நீல் கூட்டணியில் புதிய படம்; எப்போது சூட் தெரியுமா?

தமிழ் சினிமாவில் ஜூனியர் என்.டி.ஆருக்கு அறிமுகம் தேவையில்லை என்றுதான் சொல்லவேண்டும். இயக்குநர் ராஜமெளலி இயக்கத்தில் 2022ஆம் ஆண்டு வெளியான ஆர்.ஆர்.ஆர் திரைப்படத்தில் கொமரம் பீம் என்னும் கதாபாத்திரத்தில் பின்னி எடுத்திருப்பார், ஜூனியர் என்.டி.ஆர். இப்படம் உலகம் முழுக்கப் பல்வேறு மொழிகளில் வெளியாகி 1,316 கோடி ரூபாய் வசூலித்து சாதனைப் படைத்துள்ளது. இப்படத்தில் இடம்பெற்ற நாட்டு நாட்டு பாடலுக்கு இசையமைத்தமைக்காக இசையமைப்பாளர் எம்.எம். கீரவாணி ஆஸ்கர் விருதினைப் பெற்றார்.

இதனால் இப்படத்திற்கு இப்படத்தில் நடித்த ஜூனியர் என்.டி.ஆருக்கும் மார்க்கெட் எகிறியது. இப்படத்துக்குப்பின் பான் இந்தியா ஸ்டார் என்னும் அந்தஸ்துபெற்றார், ஜூனியர் என்.டி.ஆர்.

இதனைத் தொடர்ந்து இயக்குநர் கொரட்டலா சிவா இயக்கத்தில் தேவாரா பாகம் ஒன்றில், ஜூனியர் என்.டி.ஆர் நடித்து வருகிறார். இப்படத்தை முடித்தபின், கே.ஜி.எப் பட இயக்குநர் பிரசாந்த் நீலுடன் இணைந்து தனது 31ஆவது படத்தில் நடிக்க இருக்கிறார், ஜூனியர் என்.டி.ஆர்.

இதற்கான அறிவிப்பு அண்மையில் வெளியாகிய நிலையில் படத்தின் படப்பிடிப்பு அடுத்த ஆண்டு ஏப்ரல் மாதம் முதல் தொடங்கவுள்ளது என படத்தின் தயாரிப்பு நிறுவனமான மைத்ரி மூவி மேக்கர்ஸ் நிறுவனம் தகவல் தெரிவித்துள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.