தமிழ் செய்திகள்  /  பொழுதுபோக்கு  /  James Cameron On Ss Rajamouli: ஆர்ஆர்ஆர் படம் குறித்து ராஜமெளலியிடம் 10 நிமிடம் உரையாடிய ஜேமஸ் கேமரூன்! என்ன பேசினார்?

James Cameron on SS Rajamouli: ஆர்ஆர்ஆர் படம் குறித்து ராஜமெளலியிடம் 10 நிமிடம் உரையாடிய ஜேமஸ் கேமரூன்! என்ன பேசினார்?

Muthu Vinayagam Kosalairaman HT Tamil

Feb 07, 2024, 05:53 PM IST

google News
பாகுபலி பட இயக்குநர் எஸ்.எஸ். ராஜமெளலி, அவதார் பட இயக்குநர் ஜேம்ஸ் கேமரூன் ஆகியோர் சேட்டர்ன் விருது வழங்கும் நிகழ்ச்சியில் சந்தித்து கொண்டனர். அப்போது இருவரும் சுவாரஸ்ய உரையாடலை நிகழ்த்தியுள்ளனர்.
பாகுபலி பட இயக்குநர் எஸ்.எஸ். ராஜமெளலி, அவதார் பட இயக்குநர் ஜேம்ஸ் கேமரூன் ஆகியோர் சேட்டர்ன் விருது வழங்கும் நிகழ்ச்சியில் சந்தித்து கொண்டனர். அப்போது இருவரும் சுவாரஸ்ய உரையாடலை நிகழ்த்தியுள்ளனர்.

பாகுபலி பட இயக்குநர் எஸ்.எஸ். ராஜமெளலி, அவதார் பட இயக்குநர் ஜேம்ஸ் கேமரூன் ஆகியோர் சேட்டர்ன் விருது வழங்கும் நிகழ்ச்சியில் சந்தித்து கொண்டனர். அப்போது இருவரும் சுவாரஸ்ய உரையாடலை நிகழ்த்தியுள்ளனர்.

அமெரிக்காவில் நடைபெற்ற சேட்டர்ன் விருது நிகழ்ச்சியில் முன்னணி திரைப்பட இயக்குநர்களான ஜேம்ஸ் கேமரூன், எஸ்எஸ் ராஜமெளலி ஆகியோர் சந்தித்து கொண்டனர். இந்த சந்திப்பு குறித்து நிருபர் ஒருவர் ஜேமஸ் கேமரூனிடம், நான் ஆர்ஆர்ஆர் படத்தை இயக்கிய ராஜமெளலியிடம் நீங்கள் சந்திப்பு நிகழ்த்தியதை பார்த்தேன். அதுபற்றி தெரிவிக்க முடியுமா என விசாரித்துள்ளார். அதில், "நான் அவரிடம் நேர்மையாக சில விஷயங்களை அப்போது பேசினேன். அவரது படம் அற்புதமான படைப்பாக உள்ளது. இந்திய சினிமாவுக்கு உலக அரங்கில் பரந்த வரவேற்புடன் கிடைப்பதை பார்க்க மகிழ்ச்சியாக உள்ளது" என்றார்.

ஜேமஸ் கேமரூனின் இந்த கருத்துக்கு நன்றி தெரிவிக்கும் விதமாக ஆர்ஆர்ஆர் அதிகாரப்பூர்வ எக்ஸ் பக்கத்தில், " உங்களின் விலைமதிப்பற்ற வார்த்தைகள், எப்பொழுதும் சிறப்பாக செயல்பட, சிறந்தவர்களாகவும் இருக்க எங்களை தூண்டுகிறது.

இந்திய சினிமா அனைத்து எல்லைகளையும் உடைத்து அதன் முழு வளர்ச்சியை சென்றடையும் என உறுதியாக நம்புகிறோம்" என குறிப்பிடப்பட்டுள்ளது.

கடந்த 2022 ஆண்டில் ஜுனியர் என்டிஆர், ராம்சரண் நடிப்பில் வெளியாகி உலக அளவில் வரவேற்பை பெற்ற படம் ஆர்ஆர்ஆர். இந்த படத்தில் இடம்பிடித்த நாட்டு நாட்டு பாடலுக்கு கடந்த ஆண்டில் கோல்டன் குலோப், ஆஸ்கர் விருது கிடைத்தது. அப்போது ஜேம்ஸ் கேமரூனை சந்தித்த இயக்குநர் ராஜமெளலி, தனது இன்ஸ்டாவில்் " ஜேம்ஸ் கேமரூன் ஆர்ஆர்ஆர் படத்தை பார்த்தார். அவருக்கு மிகவும் பிடித்துள்ளது. தனது மனைவியையும் பார்க்கும்படி கூறி, அவருடன் மீண்டும் பார்த்துள்ளார்.

இந்த படத்தை பற்றி என்னிடம் சுமார் 10 நிமிடம் வரை விவாதித்ததை என்னால் நம்பமுடியவில்லை. நான் உலகின் உச்சத்தில் இருப்பதாக உணர்கிறேன்" என்று குறிப்பிட்டிருந்தார்.

ஜேம்ஸ் கேமரூன் நான்கு சேட்டர்ன் விருதுகளை வென்றார். அவதார்: தி வே ஆஃப் வாட்டர் படத்துக்கு சிறந்த இயக்குநர் விருதும் அவருக்கு வழங்கப்பட்டது.

இயக்குநர் ராஜமெளலி தற்போது மகேஷ் பாபு பிரதான கதாபாத்திரத்தில் நடிக்கும் பெயரிடப்படாத படத்தை உருவாக்கும் பணியில் ஈடுபட்டு வருகிறார். அட்வெண்சர் பாணியில் உருவாகும் இந்த படத்துக்கு விஜயேந்திர பிரசாத் திரைக்கதை அமைக்கிறார்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

டாபிக்ஸ்

Kollywood
பொழுதுபோக்கு மற்றும் கோலிவுட் தொடர்பான அப்டேட் செய்திகளை இந்துஸ்தான் டைம்ஸ் தமிழ் மூலம் உடனுக்குடன் அறியலாம்.
அடுத்த செய்தி