காரில் நடந்த சம்பவம்.. இன்னல்களில் சிக்கிய பெண்.. நினைவுகளோடு வாழும் சில நேரங்களில் சில மனிதர்கள்

பல நாவல்களை அடிப்படையாகக் கொண்டு எத்தனையோ திரைப்படங்கள் வெளியாகி வெற்றி படங்களாக உருவெடுத்துள்ளன. பொதுவாக நாவல்களில் ஒரு குறிப்பிட்ட பக்கத்தை திரைப்படம் ஆக்கி மக்களுக்கு இயக்குனர்கள் விருந்தாக்குவார்கள். அப்படி ஜெயகாந்தன் எழுதிய அக்னி பிரவேசம் என்ற நாவலை அடிப்படையாகக் கொண்டு எடுக்கப்பட்ட திரைப்படம் தான் சில நேரங்களில் சில மனிதர்கள்.

ஜெயகாந்தனின் நாவலின் மீது ஈர்ப்பு கொண்ட இயக்குனர் ஏ. பீம்சிங் இந்த கதையை திரைப்படமாக்க வேண்டும் என நினைத்துள்ளார். திரைக்கதை எழுதும் பணி எழுத்தாளர் ஜெயகாந்தனிடமே ஒப்படைக்கப்பட்டது. கமர்சியலாக இருக்கக்கூடிய அனைத்தையும் வெளியே தள்ளிவிட்டு திரைக்கதை எழுதினார் ஜெயகாந்தன்.

முதலில் இந்த திரைப்படத்தில் முத்துராமன் மற்றும் ஜெயலலிதா இவர்கள் இருவரையும் தேர்ந்தெடுத்தனர். அதற்குப் பிறகு ஜெயகாந்தன் விருப்பத்தின் பேரில் லட்சுமி மற்றும் ஸ்ரீகாந்த் இருவரும் நடித்தனர்.

கதை

ஒரு பிராமண குடும்பத்தைச் சேர்ந்த இளம் பெண் கல்லூரியில் படித்து விடுகிறார். ஒருநாள் கடுமையாக மழை பொழியும் பொழுது திடீரென காரில் வந்த தெரியாத ஒருவர் மலையில் நனைந்து செல்லும் கங்காவை காரில் ஏறும்படி கூறுகிறார். காரில் ஏறிய கங்காவை அந்த நபர் பாலியல் வன்கொடுமை செய்யப்படுகிறார். வன்கொடுமைக்கு உள்ளாக்கப்பட்ட கங்கா நடந்தது என்னவென்று தெரியாமல் வீட்டிற்கு வந்து விட்டு தன் மனதை தைரியப்படுத்தி இந்த சம்பவத்தை தனது தாயிடம் கூறுகிறார். இதனைக் கேட்டவுடன் கங்காவின் தாய் ரகளை கட்டுகிறார். இது அக்கம்பக்கத்தினர் அனைவருக்கும் தெரிந்துவிடுகிறது.

கங்காவின் சகோதரர் இது குறித்து அறிந்து அவரை வீட்டை விட்டு வெளியேற்றுகிறார். உடனே கங்காவின் தாயார் அவருடைய தம்பியின் வீட்டிற்கு அனுப்பி வைக்கிறார். சென்னையில் கங்கா தனது தாய் மாமனோடு தங்கி தனது கல்வியை தொடர்கிறார். அங்கே படித்து ஒரு தனியார் நிறுவனத்தில் வேலைக்குச் செல்கிறார். பாதுகாவலராக இருந்து கங்காவின் மாமா ஒரு கட்டத்தில் அவருடைய நிலை அறிந்து பாலியல் துன்புறுத்தல்களை கொடுக்கிறார். பலமுறை இது போலவே செய்து வருகிறார்.

கங்கா காரில் நுழைந்த கதையை ஒரு எழுத்தாளர் அப்படியே பத்திரிக்கையில் கதையாக எழுதுகிறார். அந்தக் கதையில் முக்கிய கதாபாத்திரமாக இருக்கக்கூடிய பெண் பலரால் துன்புறுத்தப்படுகிறார். அதற்குப் பிறகு வீட்டிற்கு செல்கிறார் அவருடைய தாய் தண்ணீரால் சுத்தப்படுத்தி அந்த பெண்ணை மீண்டும் வாழ வைக்கிறார். இந்த கதையை கங்கா படித்துவிட்டு அதனை தனது தாயை படிக்குமாறு கூறுகிறார். இந்த கதையை படித்து அவரது தாயாருக்கு நாம் செய்த செயல் தவறு என குற்ற உணர்ச்சி ஏற்படுகிறது.

ஒரு நிறுவனத்தில் கங்கா வேலை செய்தாலும் வாழ்க்கையில் இருந்து ஒதுங்கியே காணப்படுகிறார். தன்னை பாலியல் வன்கொடுமை செய்தவரை கண்டுபிடிக்க வேண்டும் என கங்கா நினைக்கிறார். அதற்குப் பிறகு தனக்கு தீங்கு இழைத்தவர் பிரபாகரன் என கண்டுபிடிக்கிறார். அவருக்கு ஏற்கனவே திருமணம் ஆகி ஒரு இளம் பெண் குழந்தையாக இருக்கின்றார்.

கங்காவை காரில் ஏற்றியது இரவு நேரம் என்கின்ற காரணத்தினால் பிரபாகரனுக்கு கங்காவை அடையாளம் தெரியவில்லை. இந்த சம்பவம் குறித்து கூறும் பொழுது வாழ்க்கையில் பல்வேறு விதமான துன்பங்களை இவள் அனுபவிக்கிறார் என நினைத்து பிரபாகரன் வருத்தப்படுகிறார்.

அதற்குப் பிறகு கங்கா மற்றும் பிரபாகரன் இருவரும் அடிக்கடி சந்திக்கின்றனர். இவர்களுடைய சந்திப்பு நட்பாக மாறுகிறது. அதற்குப் பிறகு இருவருக்கும் காதல் ஏற்படுகிறது. ஆனால் இதை சமூகம் ஏற்றுக் கொள்ளாது என்பதன் காரணமாக கங்காவை வேறு திருமணம் செய்து கொள்ளுமாறு பிரபாகரன் அறிவுறுத்துகிறார். அதற்குப் பிறகு கங்கா பிரபுவை கட்டாயப்படுத்தியும் பிரபு இதனையும் ஏற்றுக்கொள்ளும் மனப்பக்குவத்தில் இல்லை. அதற்குப் பிறகு கங்கா பிரபுவை விட்டு பிரிந்து அவருடைய நினைவுகளோடு வாழ்கிறார்.

கங்கா கதாபாத்திரத்தில் நடிகை லட்சுமி நடித்திருப்பார் பிரபாகரன் கதாபாத்திரத்தில் நடிகர் ஸ்ரீகாந்த் நடித்திருப்பார். இருவரும் தங்களுடைய சிறந்த நடிப்பை இந்த திரைப்படத்தில் வெளிப்படுத்தி இருப்பார். பல திரையரங்குகளில் 100 நாட்களுக்கு மேல் ஓடி இந்த திரைப்படம் வெற்றி கண்டது. வசூல் ரீதியாகவும் மிகப்பெரிய வெற்றியை பெற்றது. இந்த திரைப்படத்திற்காக நடிகை லட்சுமி சிறந்த நடிகைக்கான தேசிய விருதை பெற்றார். இந்த திரைப்படத்தில் இரண்டு பாடல்கள் தான் அதுவும் எம்.எஸ்.விஸ்வநாதன் இசையில் பட்டையை கிளப்பி இருக்கும்.

எதார்த்தத்தை வெளிப்படுத்தும் திரைப்படங்கள் இன்று வரை மிகப் பெரிய வரவேற்பை பெற்று வருகின்றன. அதற்கு இன்று வரை மிகப் பெரிய எடுத்துக்காட்டாக சில நேரங்களில் சில மனிதர்கள் திரைப்படம் இருந்து வருகிறது. இன்றுடன் இந்த திரைப்படம் வெளியாகி 47 ஆண்டுகளாகின்றன. தமிழ் சினிமாவில் இருக்கக்கூடிய ஒரு சில சிறந்த திரைப்படங்களில் ஒன்றான சில நேரங்களில் சில மனிதர்கள் திரைப்படத்தை நினைவு கூறுவதற்கு ஹிந்துஸ்தான் டைம்ஸ் தமிழ் பெரும் மகிழ்ச்சி அடைகிறது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9