லப்பர் பந்து ஓடிடி ரிலீஸ் எப்போது? ரசிகர்களுக்கு தீபாவளி ட்ரீட் உறுதி!

பெரிய பட்ஜெட் படங்கள், பெரிய ஹீரோக்கள் நடித்த படங்கள் என ரசிகர்களை கவர எவ்வளவு முயற்சி செய்தாலும். ரசிகர் என்றைக்கும் சிறந்த படைப்பகளுக்கு மட்டுமே வெற்றி எனும் அங்கீகாரத்தை வழங்குகின்றன. பெரிய நட்சத்திரங்கள் நடித்து இருக்கத் தேவையில்லை. படத்தின் கதையும், அதில் வரும் காட்சிகளும் அவர்களை அதனுடன் ஒன்ற வைத்து விட்டாலே பெரும்பாலான படங்கள் வெற்றியடைந்து விடுகின்றன. அந்த வரிசையில் கடந்த செப்டம்பர் 20 திரையரங்குகளில் வெளியான ஒரு சிறந்த படைப்பு தான் லப்பர் பந்து . அறிமுக இயக்குனரான தமிழரசன் பச்சைமுத்து இயக்கியுள்ள இப்படம் சிறிய பட்ஜெட்டில் எடுக்கப்பட்ட படமாகும். இப்படம் விமர்சன ரீதியாகவும் பாராட்டைப் பெற்று வருகிறது. 

மலையாள திரைப்படங்களிலே மட்டும் தரமான படங்கள் வரும் என இந்த ஆண்டின் தொடக்கத்தில் ஒரு கருத்து உலாவியது. அதனை ஆண்டின் மையப்பகுதியில் வந்த படங்கள் பொய்யாக்கி வந்தன. அதில் லப்பர் பந்து திரைப்படமும் முக்கியமான இடத்தில் உள்ளது. 

பாக்ஸ் ஆபீஸ் வசூல் 

சிறிய பட்ஜெட் படமான லப்பர் பந்து டிக்கெட் விற்பனைகளில் கடந்த 20 நாட்களுக்கும் மேலாக அதிரடியாக விற்பனை ஆகி வருகிறது.  ஹரிஷ் கல்யாண் மற்றும் தினேஷ் நடிப்பில் உருவாகியுள்ள இப்படம் இதுவரை தமிழகத்தில் மட்டும் சுமார் ரூ.33 கோடி   வசூல் செய்து சாதனை படைத்துள்ளது. படம் நாளுக்கு நாள் சிறப்பாக சென்றுக் கொண்டிருக்கிறது. சர்வதேச அளவிலும் லப்பர் பந்து  நல்ல வசூலை எடுத்திருந்தது.

குறிப்பாக இன்று (அக்டோபர் 11 )சூப்பர் ஸ்டாரின் வேட்டையன் படம் வெளியான போதிலும், இந்த ஸ்போர்ட்ஸ் டிராமாவுக்கு இந்த வார இறுதியில் கூட அதிக எண்ணிக்கையிலான திரைகள் ஒதுக்கப்பட்டன. படம் சிறப்பாக ஓடிக்கொண்டிருப்பதால் இப்படத்தின் ஹீரோ ஹரீஷ் கல்யாண் இயக்குனர் தமிழரசன் பச்சமுத்துவிற்கு தங்க செயின் பரிசளித்தார். 

ஓடிடி ரிலீஸ்

இந்நிலையில் லப்பர் பந்து திரைப்படத்தின் ஓடிடி வெளியீடு குறித்தான தகவல் ஒன்று வெளியாகி உள்ளது. அதன்படி தமிழ் திரைப்பட வட்டாரங்களில் சமீபத்திய சலசலப்புகளின்படி, அக்டோபர் 18 ஆம் தேதி OTT இல் லப்பர் பந்து வெளியாகும் என்று எதிர்பார்க்கப்படுகிறது. இந்த படத்தின் திரையரங்குகளுக்கு பிந்தைய ஸ்ட்ரீமிங் உரிமையை டிஸ்னி ஹாட்ஸ்டார் ஓடிடி தளம் பெற்றுள்ளது. விரைவில் இது குறித்தான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

தமிழரசன் பச்சமுத்து இயக்கியுள்ள இப்படத்தில் ஸ்வாசிகா, சஞ்சனா, காளி வெங்கட், தேவதர்ஷினி மற்றும் பால சரவணன் ஆகியோர் முக்கிய வேடங்களில் நடித்துள்ளனர். மேலும் பிரின்ஸ் பிக்சர்ஸ் பேனரில் எஸ்.லக்ஷ்மண் குமார் மற்றும் ஏ.வெங்கடேஷ் ஆகியோர் லப்பர் பந்து படத்தை தயாரித்துள்ளனர். இசையமைப்பாளர் ஷான் ரோல்டன் இப்படத்திற்கு  இசையமைத்துள்ளார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.