HBD Disco Shanthi : 80களின் கவர்ச்சிக்கன்னி டிஸ்கோ சாந்தி பிறந்த தினம் இன்று!
Aug 28, 2023, 05:00 AM IST
Share
80களில் கவர்ச்சி கடலாக தமிழ் உள்ளிட்ட பல்வேறு மொழியின் ரசிகர்களை நனைய வைத்த டிஸ்கோ சாந்தி பிறந்த தினம் இன்று. அவர் குறித்த சில தகவல்கள்.
சாந்தா குமாரி, 1965ம் ஆண்டு ஆகஸ்ட் 28ம் தேதி பிறந்தார். சினமாவுக்கான டிஸ்கோ சாந்தி. இவர் ஐட்டம் நம்பர் பாடல்களுக்கு நடனமாடுபவர். இந்தியாவின் பல்வேறு மொழிகளிலும் 900 படங்களில் நடித்துள்ளார். குறிப்பாக தமிழ், தெலுங்கு, மலையாளம், கன்னடம், இந்தி மற்றும் ஒடியா போன்ற மொழிகளில் அதிகளவில் நடித்துள்ளார்.
இவர் நடிகர் சி. எல். ஆனந்தனின் மகள், நடிகை லலிதா குமாரியின் சகோதரி. லலிதா குமாரி, பிரகாஷ்ராஜின் முதல் மனைவி ஆவார். மலையாள திரைப்பட நடிகரான மோகன்லாலுடன் கதாநாயகியாக நடித்த படம் பாதியில் நின்றதால், ஒரு பாடலுக்கு ஆடுவதற்கு வந்தாக தெரிவித்துள்ளார். இவர் ஊமை விழிகள் திரைப்படத்தில் நடனமாடிய ராத்திரி நேரத்து பூஜையில் என்ற பாடல் பிரபலம் ஆனதால், அதன் பின் நிறைய படங்களுக்கு ஒரு பாடலில் ஆடும் வாய்ப்பை பெற்றார்.
இவரது தந்தையும் பிரபல நடிகர். அவரும் பல்வேறு படங்களில் நடித்துள்ளார். அவர் தமிழ் மற்றும் தெலுங்கு சினிமாக்களில் முக்கிய கதாபாத்திரங்களில் நடித்துள்ளார். இவர் திருமணத்திற்கு பின் திரைப்படங்களில் நடிப்பதை குறைத்துக்கொண்டார். இவர் 1996ம் ஆண்டு ஸ்ரீஹரி என்பவரை திருமணம் செய்துககொண்டார். இவரது கணவர் தெலுங்கு நடிகர். இவரது கணவர் கல்லீரல் செயலிழப்பால் இறந்துவிட்டார்.
இவர் 1986ம் ஆண்டு உதய கீதம் படத்தில் முதலில் நடித்தார். இந்தப்படத்தில் மோகன், ரேவதி, லக்ஷ்மி ஆகியோர் முக்கிய கதாபாத்திரங்களில் நடித்தனர். இவர் முதலில் துணை நடிகையாக சில படங்களில் நடித்தார். இதே நேரத்தில் இவருக்கு ஐட்டம் பாடல்களில் நடனமாடும் வாய்ப்பு கிடைத்தது. இவரது நடனத்துக்கு கிடைத்த வரவேற்பை அடுத்து நடனத்தில் புகுந்துவிட்டார்.
இவர் கிட்டத்தட்ட 11 ஆண்டுகள் திரையுலகில் இருந்தார். திருமணத்துக்குப்பின் குடும்பத்தை கவனித்துக்கொண்டார். சில்க் ஸ்மித்தாவின் வாழ்க்கை வரலாறை பேசிய டிர்ட்டி பிக்சர் படம் இவரது கதையையும் தொட்டுச்சென்றது. இன்று பிறந்தநாள் காணும் டிஸ்கோ சாந்தியை ஹெச்.டி தமிழ் வாழ்த்துகிறது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்