Karthigai Deepam Serial: ‘போதையில் நட்சத்திரா, அதிர்ச்சியில் அபிராமி’ சஸ்பென்ஸ்!

தினமும் இரவு 9 மணிக்கு ஜீ தமிழ் தொலைக்காட்சியில் ஒளிபரப்பாகி வரும் சீரியல் கார்த்திகை தீபம்; மக்களிடம் பிரபலமாகி வரும் இந்த சீரியலின் முதன்மை கதாபாத்திரங்களாக வரும் கார்த்திக் கதாபாத்திரத்தில் நடிகர் கார்த்திகேயனும், தீபா கதாபாத்திரத்தில் நடிகை ஆர்த்திகாவும் நடிக்கின்றனர். விறுவிறுப்பாக சென்று கொண்டிருக்கும் இந்த சீரியலில் இன்று நடக்கப்போகும் நிகழ்வுகளை டிவியில் ஒளிப்பரப்பபடுவதற்கு முன்னரே எக்ஸ்க்ளுசிவாக தரும் முயற்சிதான் இந்த கட்டுரை!

இன்றைய எபிசோடில் ஐஸ்வர்யா, கார்த்திக் தீப ஆகிய இருவரும் கோவிலுக்கு போன விஷயத்தை அபிராமியிடம் சொல்ல, அபிராமி கார்த்தியிடம் இனிமேல் தீபாவிடம் பழகாதே என்று சொல்கிறாள்; அதைக்கேட்ட கார்த்திக் அமைதியாக போகிறான். அடுத்து தீபா, கார்த்திக் வாங்கி கொடுத்த செருப்பை பார்த்து ஃபீல் பண்ண, மறுபக்கம் அபிராமி வீட்டில் தாலி உருக்கும் பூஜை நடைபெறுவதால் ஐஸ்வர்யாவிடம் நட்சத்திராவுக்கு போன் செய்து குடும்பத்துடன் வர சொல் என்று சொல்கிறார். உடனே ஐஸ்வர்யா நட்சத்திராவுக்கு போன் செய்கிறாள்.

ஆனால் காதலுனுடன் போதையில் இருக்கும் நட்சத்திரா ஃபோனை எடுக்காமல் இருக்க, டென்ஷனான ஐஸ்வர்யா ஃபோனை எடுக்க வில்லை என்று சொல்கிறாள். இதனையடுத்து நட்சத்திராவிற்கு கார்த்திக் ஃபோன் செய்கிறான்; சரியான போதையில் இருந்த நட்சத்திரா இந்த முறை யார் ஃபோன் செய்வது என்று பார்த்ததும் மிச்சம், கார் அங்கிருந்த சுவற்றின் மீது மோதியது;

மோதிய சுவர் தீபாவின் கெஸ்ட் ஹவுஸ் என்பது தெரியவர, தீபா வெளியே வந்து பார்க்கிறாள்; விழுந்து கிடந்த ஃபோனில் கார்த்தி காலிங்கில் வருவது தெரியவர, தீபா அந்த காலை எடுத்து பேச முயற்சிக்கிறாள். ஆனால் சடாரென்று போனை பிடுங்கிய நட்சத்திரா போனை கட் செய்கிறாள்; இதையடுத்து கார்த்திக்கும், அவள் போனை எடுக்கவில்லை என்று சொல்ல ஐஸ்வர்யா நட்சத்திராவை பற்றி தவறாக அபிராமியிடம் சொல்கிறாள்.

மறுநாள் காலை தீபா கடைவீதியில் பொருட்கள் வாங்கிக் கொண்டிருக்க, அப்போது தன் காதலுடன் போகும் நட்சத்திராவை பார்த்து ஃபாலோ செய்தபடி செல்கிறாள்; நட்சத்திரா தோழியின் பிறந்தநாள் பார்ட்டியில் கலந்து கொண்டு சரக்கு அடித்து, சிகரெட் பிடித்துக் கொண்டு என்ஜாய் செய்து கொண்டிருக்கிறாள்.

அதை தீபா பார்த்து இதற்கு மேல் சொல்லாமல் இருந்தால் தவறு என்று அபிராமிக்கு போன் செய்து, நீங்க பார்த்த மருமகள் நட்சத்திரா தவறான பொண்ணு; கார்த்திக் சாருக்கு சரியான ஜோடி கிடையாது என்று சொல்கிறாள் . இதைக்கேட்ட் அபிராமி கோபப்படுகிறாள். நான் சொல்வதை நம்பவில்லை என்றால் நீங்கள் நேரில் வந்து பாருங்கள் என்று சொல்ல அதிர்ச்சியில் அபிராமி புறப்படுகிறாள். அடுத்து என்ன நடக்கும் என்பதை தெரிந்து கொள்ள கார்த்திகை தீபம் சீரியலை நீங்கள் பார்க்கலாம்.