HBD Nitu Chandra : பாலிவுட் முதல் கோலிவுட் வரை கலக்கிய நாயகி.. பன்முகத் திறன் படைத்த நீத்து சந்திரா பிறந்தநாள் இன்று!

நாடக நடிகையாக இருந்து திரையுலகத்துக்குள் அடியெடுத்துவைத்தவர் நீத்து சந்திரா. திரைப்படத் தயாரிப்பாளராகவும் இருந்துள்ளார். நடனத்தில் கெட்டிக்காரர். டேக்வாண்டோ தற்காப்பு கலையில் 4ஆவது நிலை கருப்பு பெல்ட் பெற்றுள்ளார். டேக்வாண்டோ மற்றும் பேஸ்கட் பால் விளையாட்டை பிரபலப்படுத்துவதற்காக முயற்சிகளையும் எடுத்துவருகிறார்.

1984 ஆம் ஆண்டு ஜூன் 20ஆம் தேதி பிறந்த நீத்து சந்திரா பன்முகத் திறன் படைத்தவர். அவர் நடித்த பல்வேறு படங்கள் ஹிட் ஆகியுள்ளன.சம்பாரன் டாக்கீஸ் என்ற சினிமா தயாரிப்பு நிறுவனத்துக்குச் சொந்தக்காரரான நீத்து சந்திரா, தனது சகோதரர் நிதின் சந்திரா இயக்கத்தில் தயாரித்த மிதிலா மகான் என்ற படம் தேசிய விருதைப் பெற்றது.

இந்தியில் கடந்த 2005 ஆம் ஆண்டு வெளியான கரம் மசாலா படம் மூலம் சினிமாவுக்குள் நுழைந்தவர், நீத்து சந்திரா. அதில் அவர் விமான பணிப்பெண்ணாக நடித்திருந்தார். நடிகர் அக்சய்குமாருடன் கரம் மசாலா என்ற படத்தில் நடித்து அறிமுகமானார். கோதாவரி என்கிற தெலுங்கு படம் மூலம் 2006 ஆம் ஆண்டு டோலிவுட்டில் அறிமுகமாகமானார்.

பின்னர் நடிகர் விஷால் நடிப்பில் வெளியான, தீராத விளையாட்டுப் பிள்ளை படத்தில் நடித்தார் நீத்து சந்திரா. பணக்கார வீட்டு பெண்ணாக வரும் தேஜாஸ்வினியாக அவர் நடித்திருந்த பாத்திரம் நன்றாக வரவேற்பை பெற்றது. பாலிவுட்டில் முன்னணி நடிகர்கள் பலருடன் ஜோடி போட்டு நடிகை நீத்து சந்திரா நடித்து உள்ளார். இந்திய மொழிப்படங்கள் மட்டுமல்லாமல் பிளாக் 12 என்ற கிரேக்க மொழிப்படத்திலும் அவர் சிறப்பாக நடித்து ரசிகர்களை கவர்ந்தார்.

பல்வேறு இசை ஆல்பங்களிலும் நீத்து சந்திரா நடித்துள்ளார். ரசியா சாஜன், ஆ ராஹா ரஹூன் மெய்ன் மற்றும் சஜ்னா ஹை முஜே சஜ்னா கே லியே என்ற ரீமிக்ஸ் பாடலுக்கும் நடனமாடியுள்ளார். இதில் சஜ்னா ஹை முஜே சஜ்னா கே லியே விடியோ மிகப்பெரிய ஹிட் ஆனது.

இவர் சமீபத்தில் கலந்து கொண்டு பேட்டி அளித்த வீடியோ ஒன்று சமூக வலைதளங்களில் வைரலானது. அவர் கூறுகையில், "நான் இதுவரை 13 க்கும் அதிகமான தேசிய விருது வென்ற நடிகர்களுடன் இணைந்து நடித்துள்ளேன். இன்று எனக்கு எந்த வேலையும் கிடையாது. ஒரு தொழிலதிபர் என்னிடம் மாத சம்பளத்துக்கு மனைவியாக வரச் சொன்னார். 

அதுவும் 25 லட்சம் ரூபாய் சம்பளமாக கொடுப்பதாக கூறினார். அதனால் மிகுந்த கவலையில் இருக்கிறேன். ஒரு இயக்குநர் நான் நேரத்துக்கு படப்பிடிப்பிற்கு வரவில்லை எனக் கூறி என்னை வேண்டாம் என்று ஒதுக்கி விட்டார். அவர் யார் என்று நான் சொல்ல விரும்பவில்லை” என மிகுந்த வருத்தத்துடன் பேசி உள்ளார்.

இந்த வீடியோ தான் வைரலானது. பன்முகதன்மை கொண்ட நீத்து சந்திரா இன்று தனது பிறந்தநாளை கொண்டாடி வருகிறார். அவருக்கு பிறந்தநாள் வாழ்த்துகள்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.