HT OTT SPL: குழந்தைகளோட மட்டும் இந்தப் படத்தை தயவுசெய்து பார்த்துடாதீங்க!
Sep 01, 2023, 06:50 AM IST
Share
Hotstar: நேர்காணலை முடித்துவிட்டு அதே வீட்டுக்கு மீண்டும் வரும் இளம்பெண், பேஸ்மெண்ட் அறைக்குச் செல்கிறார். அப்போது இருள் சூழ்ந்து அதிபயங்கரமாக அந்த இடம் இருப்பதை கண்டு அச்சம் கொள்கிறார்.
Barbarian 2022 ஆம் ஆண்டு வெளியான அமெரிக்க திகில் திரில்லர் திரைப்படமாகும். Zach Cregger இயக்கி இருந்தார்.
இப்படத்தில் Georgina Campbell, Bill Skarsgård மற்றும் Justin Long ஆகியோர் நடித்துள்ளனர்.
டெஸ் மார்ஷல் (Georgina Campbell) என்ற இளம்பெண் ஒரு நேர்காணலில் பங்கேற்க டெட்ராய்ட் பகுதியில் உள்ள ஒரு வாடகை வீட்டிற்கு வருகிறார். மழை கொட்டிக் கொண்டிருக்க அந்த வீட்டில் ஏற்கனவே ஒரு இளைஞர் இருக்கிறார். அவருக்கு இருவருக்கும் ஒரே வீடு தொழில்நுட்ப கோளாறு காரணமாக புக் ஆகியிருக்கிறது.
பின்னர், இருவரும் வேறு வழியின்றி ஒரே வீட்டில் தங்குகின்றனர். அன்றைய இரவு திகில் சம்பவங்கள் நடக்கின்றன. பின்னர், மறுநாள் காலை எழுந்து நேர்காணலுக்கு சென்றுவிட்டு வீடு திரும்புகிறார் Georgina Campbell.
நேர்காணலை முடித்துவிட்டு அதே வீட்டுக்கு மீண்டும் வரும் இளம்பெண், பேஸ்மெண்ட் அறைக்குச் செல்கிறார். அப்போது இருள் சூழ்ந்து அதிபயங்கரமாக அந்த இடம் இருப்பதை கண்டு அச்சம் கொள்கிறார். பின்னர், மனதில் ஏதோ எண்ணம் தோன்ற வெளியே வந்துவிடலாம் என முயற்சிக்கிறார். ஆனால், கதவு தாமாகவே மூட்டப்பட்டு துறக்க முடியாமல் கீழ் அறையில் சிக்கித் தவிக்கிறார். மொபைல் போனையும் பெட்ரூமில் வைத்துவிட்டதால், என்ன செய்வதென்று தெரியாமல் தவிப்பவர் அதே அறையில் தங்கியிருப்பவரின் திடீர் வருகையால் தப்பிக்கிறார்.
அந்த அறையில் தான் உணர்ந்ததை சொல்லும் இளம்பெண்ணின் பேச்சைக் கேட்காமல் உடன் இருக்கும் இளைஞர் பேஸ்மெண்டுக்கு செல்கிறார். அங்கு சென்று சிக்கிக் கொள்ளும் அவரை இளம்பெண் காப்பாற்ற முயற்சி செய்கிறார். அதைத் தொடர்ந்து இருண்ட அறையில் நடந்தது என்ன என்பது பரபர திரைக்கதை. சுமார் 100 நிமிடங்கள் ஓடும் இந்தப் படம் தொடக்கம் முதலே விறுவிறுப்பாக நகர்வது சிறப்பு.
கலை இயக்கம், ஒளிப்பதிவு, நடிப்பு, இயக்கம் என அனைத்துத் துறைகளிலும் சிறந்த பங்களிப்பை இந்தக் குழு வழங்கியிருக்கிறது.
20th Century Studios விநியோகித்த இந்தப் படத்தை டிஸ்னி பிளஸ் ஹாட்ஸ்டாரில் கண்டு ரசிக்கலாம். குழந்தைகளுடன் இப்படத்தை பார்ப்பதை தயவு செய்து தவிர்த்துவிடுங்கள்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்